စင်ကာပူ InterContinental ဟိုတယ်စားသောက်ဆိုင် လုပ်ငန်းများရပ်ဆိုင်းခံရ

စင်ကာပူနိုင်ငံ InterContinental ဟိုတယ်တွင် ဖွင့်လှစ်ထားသော တရုတ်အစားအစာ စားသောက်ဆိုင်အား ကြာဿပတေးနေ့ (ဇန်နဝါရီ ၃ ၇က်) မှစ၍ လုပ်ငန်းများ ရပ်ဆိုင်းထားရန် စင်ကာပူ National Environment Agency (NEA) က ညွှန်ကြားလိုက်သည်။ အဆိုပါ ဟိုတယ်စားသောက်ဆိုင်တွင် ၂၀၁၂ ခုနှစ်အတွင်း အစာအဆိပ်သင့်မှု ၅ ကြိမ် ဖြစ်ပွားခဲ့ပြီးနောက် ယခုညွှန်ကြားချက်ကို NEA က ထုတ်ပြန်လိုက်ခြင်းဖြစ်ကြောင်း Channel NewsAsia က ဖော်ပြသည်။ ၂၀၁၂ ခုနှစ် ဒီဇင်ဘာလနှောင်းပိုင်းတွင် ဟိုတယ်၌ ကျင်းပပြုလုပ်သော မင်္ဂလာဆောင်နှင့် ကုမ္ပဏီအခမ်းအနားပွဲများအတွင်း ဧည့်ခံကျွေးမွေးသည့် အဆိုပါ စားသောက်ဆိုင်၏ အစားအစာများကြောင့် အစာအဆိပ်သင့်မှုများ ဖြစ်ပွားခဲ့သည်။ ဟိုတယ်စားသောက်ဆိုင်မှ အစားအသောက်များကြောင့် ၂၀၁၂ ခုနှစ် ဒီဇင်ဘာ ၂၉ ရက်နှင့် ၂၀၁၃ ခုနှစ် ဇန်နဝါရီ ၁ ရက်တို့တွင် အစာအဆိပ်သင့်မှုများ ဖြစ်ပွားခဲသည်။ အခြား အစာအဆိပ်သင့်မှု ၃ ကြိမ်ကိုမူ တာဝန်ရှိသူများက ဆက်လက် စုံစမ်းနေဆဲဖြစ်သည်။ စင်ကာပူကျန်းမာရေးဝန်ကြီးဌာနနှင့် NEA တို့သည် အစာအဆိပ်သင့်မှု ဖြစ်ရပ်များအတွက် ပူးပေါင်းစုံစမ်းစစ်ဆေးလျက်ရှိသည်။ မှ Planet Myanmar Network

SHARE THIS
Previous Post
Next Post