(၁၇-၂-၂၀၁၅ ၊ လေးမြို့  ပြည်တွင်းသတင်း)
မြန်မာနိုင်ငံ ၊ ရှမ်းပြည်နယ်မြောက်ပိုင်း ၊ လောက်ကိုင်ဒေသ၌ ဖြစ်ပွားနေသော အစိုးရစစ်နှင့် ကိုးကန့်  လက်နက်ကိုင်တပ်ဖွဲတို့  စစ်ပွဲအတွင်း အစိုးရစစ်တပ်ဘက်မှ လောက်ကိုင်ဒေသခံအရပ်သားများကို
သတ်ဖြတ်မှုများရှိနေကြောင်း ယူနန်သတင်းစာ
၏ ဖော်ပြချက်အား အစိုးရတပ်မတော်ဘက်မှ ငြင်းဆိုလိုက်ကြောင်း နိုင်ငံပိုင်မီဒီယာများ၏
ဖော်ပြချက်အရ သိရသည်။
ဖေဖော်ဝါရီ ၁၆ ရက်နေ့ က ထုတ်ဝေခဲ့သော ယူနန်သတင်းစာတွင် ``တိုက်ပွဲအတွင်း အစိုးရစစ်တပ်ဘက်မှ ဒေသခံအရပ်သားအချို့  ကို သတ်ဖြတ်မှုများ ရှိနေကြောင်း" ဓာတ်ပုံနှင့်
တကွ ဖော်ပြခဲ့ပြီးနောက် အစိုးရစစ်တပ်ဘက်မှ ငြင်းဆိုလိုက်ခြင်းဖြစ်ကြောင်း သိရသည်။
အဆိုပါ ယူနန်သတင်းစာ၏ ဖော်ပြချက်အား
အစိုးရစစ်တပ်က``တိုက်ပွဲအတွင်း နေအိမ်အတွင်းမှ နေ ပုန်းအောင်းပစ်ခတ်မှုများ
ကြောင့် တပ်မတော်က တစ်အိမ်ချင်းစီ
တက်ရောက် ရှာဖွေ၍ နယ်မြေရှင်းလင်းရေး ဆောင်ရွက်ခြင်းဖြစ်ပြီး အရပ်သား များကို သတ်ဖြတ်မှုလုံးဝမရှိ ကြောင်း ´´ ယခုကဲ့သို့ ငြင်းဆိုလိုက်ခြင်း ဖြစ်ကြောင်း သိရသည်။
တိုက်ပွဲအတွင်း ဖုန်ကြားရှင်တို့ တပ်ဖွဲ့ ဘက်မှ အရပ်ဝတ်များဖြင့် ပစ်ခတ်မှုများရှိနေသဖြင့် ရန်သူနဲ့  ပြည်သူ ခွဲခြားရန် အခက်အခဲများ
ရှိနေကြောင်း အစိုးရစစ်တပ်ဘက်မှ တပ်မတော်အဆင်မြင့်အရာရှိတစ်ဦး၏ ပြောကြားချက်အရ သိရကြောင်း 7 Days News တွင် ဖော်ပြထားသည်။
ဖေဖော်ဝါရီ ၁၅ ရက်နေ့  ၊ ညနေပိုင်းကလည်း
လောက်ကိုင်မြို့ ရှိ အဆောက်အဦးတစ်ခု
အတွင်းမှ ချောင်းမြောင်း ပစ်ခတ်ခတ်မှုကြောင့် အစိုးရစစ်တပ် တပ်မ ၃၃ မှ စစ်သားတစ်ဦး
ကျဆုံးခဲ့ ပြီး အစိုးရစစ်တပ်မှ ထိုအဆောက်
အဦးအား ဝင်ရောက်တိုက်ခိုက်ရာ ရန်သူအလောင်းရှစ်လောင်းကို ရရှိခဲ့ကြောင်း အစိုးရဘက်မှ သတင်းထုတ်ပြန်ချက်အရ သိရသည်။
သို့ သော် အစိုးရစစ်တပ်မှ အရပ်သားများအား
သတ်ဖြတ်ခြင်းမရှိဟု ပြောနေသော်လည်း
အစိုးရစစ်တပ်မှ ပစ်ခတ်မှုကြောင့် ဒဏ်ရရှိ၍
တရုတ်နိုင်ငံ ၊ နံစန်ဒုက္ခသည်စခန်းသို့ ရောက်
်ရှိလာသူများ ရှိနေသည်ဟု လောက်ကိုင်ဒေသခံ မမိန်ကျောက်ရင်၏ သတင်းပေးချက်အရ သိရကြောင်း 7 Days News က ဖော်ပြထားသည်။
ရေးသားသူ-မင်းမြတ်ခိုင်
တင်ဆက်သူ-လေးမြို့ သတင်းမီဒီယာ
Uncategories
ကိုးကန့်တိုက်ပွဲအတွင်း အစိုးရစစ်တပ်က အရပ်သားများကို သတ်ဖြတ်မှုများရှိနေ
ကြောင်း ယူနန်သတင်းစာ၏ ဖော်ပြချက်အား တပ်မတော်က ငြင်းဆို
Author: မာရုသူရ
Related Posts
Some simillar article from this label, you might also like
- Blog Comments
- Facebook Comments
Subscribe to:
Post Comments (Atom)