စစ်တွေမြို့ သဲချောင်း
ဘင်္ဂါလီဒုက္ခသည်စခန်းအနီးရှိ သဲချောင်းထဲသို့ စက်လှေတစ်
စီး ခိုးဝင်လာ၍ လိုက်လံဖမ်းဆီးရာခြောက်ဦး လွတ်မြောက်သွားပြီး ၄၅ဦးကိုဒိုင်ယာစီပင်
ထိုးဆေးများနှင့်အတူ ဖမ်းဆီးနိုင်ခဲ့ကြောင်းစစ်တွေမြို့မရဲစခန်းမှ သတင်းရရှိသည်။
ဇွန်လ ၂၆ ရက် မနက်ကိုးနာရီ ခန့်က စစ်တွေမြို့တွင် မိုးသည်း ထန်စွာရွာသွန်းနေပြီး သဲချောင်း အတွင်း လူ ၅၁ဦးတင်လာသည့် စက်လှေခိုးဝင်လာခဲ့သောကြောင့် လုံခြုံရေးစောင့်နေသည့် အမှတ် (၄)လုံခြုံရေးရဲကွပ်ကဲမှုအဖွဲ့က ဖမ်းဆီးခဲ့ခြင်းဖြစ်ကြောင်း စစ် တွေမြို့မရဲစခန်းမှ ဒုတိယရဲမှူး သန်းလှိုင်က ရန်ကုန်ပို့စ်အား ပြောသည်။
‘‘သဲချောင်းကနေ မိုးကိုအသုံးချပြီး ဖြတ်ဝင်လာ တာ။ အဲဒီအချိန်က မိုးကအရမ်းရွာ နေတာ။ ရပ်ခိုင်းတာကိုမရပ်ဘဲ မလွတ်မှန်းသိတော့ ရွှံ့တောထဲ လှေထိုးပြီး ထွက်ပြေးကြတာ။ ခြောက်ဦးထွက်ပြေးသွားတယ်။ ၄၅ဦးကိုတော့ ဖမ်းပြီးနယ်ရဲဘက် ကို လွှဲပေးထားတယ်’’ဟု စစ်တွေ မြို့ရှိ ဘင်္ဂါလီဒုက္ခသည်စခန်းနှင့် ကျေးရွာအချို့တွင် လုံခြုံရေးတာဝန်ယူထားသည့် အမှတ် (၄) လုံခြုံရေးရဲကွပ်ကဲမှုအဖွဲ့မှ ရဲအရာရှိတစ်ဦးက ပြောသည်။
စက်လှေမှာ သဲချောင်း ဘင်္ဂါလီဒုက္ခသည်စခန်းမှ ဘင်္ဂါလီ တစ်ဦးပိုင်သည့် စက်လှေဖြစ်ပြီး ဘင်္ဂလားဒေ့ရ်ှနိုင်ငံဘက်သို့သွားပြီးအပြန်တွင် ဒိုင်ယာစီပင်ထိုးဆေးများနှင့် လူအချို့ကိုခိုး၍ သယ်ဆောင်လာခြင်းဖြစ်နိုင်ကြောင်း သူတို့သည် ရန်ကုန်မြို့အထိ ခရီးဆက်နိုင်ရန်ရှိကြောင်း ဖမ်းဆီးမှုဖြစ်စဉ်တွင် ပါဝင်သည့် ရဲအရာရှိတစ်ဦးက သုံးသပ်သည်။
ဒိုင်ယာစီပင်ထိုး ဆေးလုံး ၃,၉၀၀ ခန့်၊အမျိုးသား ၂၈ဦးနှင့် အမျိုးသမီး ၁၇ဦးကို ဖမ်းဆီးနိုင်ခဲ့ခြင်းဖြစ်သည်။
သဲချောင်းသည် ဘင်္ဂလား ပင်လယ်နှင့် ဆက်စပ်နေသည့် ချောင်းဖြစ်ပြီး ဘင်္ဂါလီများနေ သည့် ဒုက္ခသည်စခန်းနှင့် ကျေး ရွာထိပ်တွင်ရှိသော ပင်လယ်ပြင် သို့ ယင်းချောင်းမှတစ်ဆင့် အဝင် အထွက်ပြုလုပ်ကြခြင်းဖြစ်သည်။
From- The Yangon Post
မင်းပြားတွင် မှိုနှင့်ဒညင်းသီး အတူစားမိ၍ ၂ ဦး သေဆုံးပြီး ၃ ဦးကို အရေးပေါ်ကုသနေရ
(ဇွန်လ ၂၉ ၊ မင်းပြား)
ရခိုင်ပြည်နယ် ၊ မင်းပြားမြို့ နယ် ၊ ဆင်ကြီးပြင်ရွာအနီး င/ပယင်းကျွေးရွာတွင် မှိုနှင့် ဒညင်းသီးကို တွဲစားမိ၍ ၂ ဦးသေဆုံးခဲ့ပြီး ကျန် ၃ ဦးကို မင်းပြားမြို့  ၊ ပြည်သူ့ ဆေးရုံကြီး၌ အရေးပေါ်ကုသနေရကြောင်း သိရသည်။
ဇွန်လ ၂၆ ရက်နေ့ က မိသားစုတစ်စုသည် မှိုနှင့် ဒညင်းသီးကို တွဲစားမိခဲ့ပြီးနောက် အဆိပ်ဖြစ်လာသဖြင့် နီးစပ်ရာ တိုင်းရင်းဆေးသမားနှင့် ကုသပြီးနောက် အဆိပ်မပြယ်နိုင်သောကြောင့် ၃ ရက်မြောက် နေ့ တွင် မင်းပြားဆေးရုံကြီးသို့ ရောက်ရှိလာခြင်း ဖြစ်ကြောင်း သိရသည်။
အဆိုပါ ၅ဦးမှာ မိသားစုဝင် ၅ ဦးဖြစ်၍ သေဆုံးသူ ၂ ဦးမှာ ကလေးများဖြစ်ပြီး ၄ နှစ်အရွယ် တစ်ဦး နှင့် ၈ နှစ်အရွယ် တစ်ဦးတို့ ဖြစ်ကြောင်း သိရသည်။ကျန် ၃ ဦးမှာ မိဘ ၂ ဦးနှင့် သားသမီး ၁ ဦးဖြစ်ပြီး ၄င်းတို့ ၏ အခြေအနေများမှာလည်း စိုးရိမ်ရသဖြင့် မနက်ဖြန်မနက်၌ စစ်တွေ ဆေးရုံကြီးသို့  ပို့ ဆောင်သွားရန် စီစဉ်ထားကြောင်း ဆွေမျိုးရင်းချာတစ်ဦးက ပြောကြားသည်။အဆိုပါ မှိုမှာ ကောက်ရိုးမှိုဖြစ်ပြီး ဒညင်းသီးနှင့် တွဲစားမိသဖြင့် အဆိပ်ဖြစ်သွားဟန်တူကြောင်း ၄င်းကပြောကြားချက်အရ သိရသည်။
ရေးသားသူ-သန့် ဇင်
တင်ဆက်သူ-လေးမြို့ သတင်းမီဒီယာ
မိုးသည်းထန်စွာ ရွာသန်းခြင်းကြောင့် စစ်တွေ-ရန်ကုန်လမ်းကို ပိတ်ထားရ
(ဇွန်လ၂၈ ၊ အမ်း)
ရခိုင်ပြည်နယ်အတွင်း အဆက်မပြတ်မိုးသည်းထန်စွာ ရွှာသန်းခဲ့မှုကြောင့် ရခိုင်ပြည်နယ်မြောက်ပိုင်းရှိ စစ်တွေ-အမ်း-ရန်ကုန်ကားလမ်းအား ယာယီရပ်ဆိုင်းထားရကြောင်း သိရသည်။
လွန်ခဲ့သော တနင်္လာနေ့ ကစ၍ အဆက်မပြတ် မိုးသည်းထန်စွာ ရွာသန်းနေမှုများကြောင့် ရခိုင်ပြည်နယ်အနံ့ အပြား၌ ရေကြီးခြင်း ၊ မြေပြိုခြင်းများ ဖြစ်ပေါ်ခဲ့ပြီး ရန်ကုန်-စစ်တွေ ကားလမ်းတစ်လျှောက်တွင်လည်း တောင်ပြိုခြင်း ၊ မြေပြိုခြင်း ၊ ကားလမ်းပေါ်ရေကျော်ခြင်း ၊ တံတားများကျိုးပျက်ခြင်းနှင့် လမ်းအက်ကွဲမှုများ ဖြစ်ပေါ်နေသဖြင့် ရန်ကုန်နှင့် စစ်တွေသို့  ပြေးဆွဲနေသည့် မော်တော်ကားများ လမ်းတွင် ယာယီရပ်ဆိုင်းနေရကြောင်း သိရသည်။
အဆိုပါကားလမ်းများ ပျက်စီးမှုကြောင့် ခရီးစဉ်များ ရပ်ဆိုင်းနေရပြီး ကုန်တင်ကားကြီး လမ်းတွင် ယာယီရပ်နားနေရသဖြင့် ကုန်ပစ္စည်း များ ရခိုင်ပြည်နယ်ဈေးကွက်တွင် ပြတ်လပ်နေကြောင်း မင်းပြားမှ လျှပ်စစ်ပစ္စည်းအရောင်းချသူ တစ်ဦး ပြောသည်။ လမ်းသည် အမ်းနှင့် မင်းပြား ကြား၌ အများဆုံးပျက်စီးနေကြောင်း ရိုးမစွမ်းအင်ကုန်စည်ပို့  ဆောင်ရေးမှ တာဝန်ရှိသူတစ်ဦးက ပြောသည်။
``ကားသမားတွေ ပြောတာတော့ မင်းပြားနဲ့  အမ်းကြားမှာ လမ်းအက်ကွဲတာ ၊ တောင်ပြိုတွေက ၃ နေရာလောက် ဖြစ်နေတယ်တဲ့ ... ပြီးတော့ တံတားငယ် ၂ စင်း ပြန်ပြင်နေရတယ်လို့  ကြားတယ်´´
ဟု ရိုးမစွမ်းအင်မှ တာဝန်ရှိသူတစ်ဦးက ပြောကြားသည်။
ထို့  ပြင် မင်းပြား-မြောက်ဦးလမ်းပိုင်း၌ မြောက်ဦးအနီးရှိ ကျေးတောတွင် ကားလမ်းပေါ် ၃ ပေနီးလောက် ရေအမြင့်ရှိသော ရေကျော်နေသဖြင့် ကားငယ်များနှင့် ဆိုင်ကယ်များ ဖြတ်သန်းမသွားနိုင်ဘဲ ရေကျချိန်ထိ စောင့်ဆိုင်း ကူးဖြတ်နေရကြောင်း သိရသည်။
ထို့အတူ ကျောက်တော်-ပုဏ္ဏားကျွန်းလမ်းပိုင်း၌ ကန်စောက်အနီး ၊ ဝါးတောင်ရွာ၌ ကားလမ်းပေါ် ရေကျော်နေသဖြင့် ခက်ခက်ခဲခဲကျော်ဖြတ် မောင်းနှင်းနေရကြောင်း သိရသည်။
မင်းမြတ်ခိုင်
(လေးမြို့ -အနောက်ပိုင်းသတင်းမီဒီယာ)
ကချင်ရောက် မင်းပြားဒုက္ခသည် ၄၁၆ ဦးအား နေရပ်ပြန်ရောက်နိုင်ရေး ကူညီမည်
(ဇွန်လ ၂၇ ၊ ဖားကန့်)
ရေကြိုင်ရာ မြက်နုရာသို့  ရှာဖွေသည့်အနေဖြင့် ကချင်ပြည်နယ်သို့  အလုပ်အကိုင်သွားရောက် လုပ်ကိုင်ရင်း ဒုက္ခရောက်နေကြသည့် ရခိုင်ပြည်နယ် ၊ မင်းပြားမြို့ နယ်မှ ကချင်ရောက်ဒုက္ခသည် ၄၁၆ ဦးအား ကချင်ပြည်နယ်အစိုးရအဖွဲ့ နှင့် ရခိုင်ပြည်နယ်အစိုးရအဖွဲ့ တို့ ပူးပေါင်း၍ နေရပ်ဇာတိသို့ ပြန်ရောက်နိုင်ရေး အကူအညီများ ပေးသွားမည်ဖြစ်ကြောင်း သိရသည်။
အဆိုပါဒုက္ခသည်များသည် ကချင်၌ မိုးရာသီအလုပ်အကိုင်ရှားပါးခြင်း ၊ နယ်မြေဒေသလုံခြုံမှုမရှိခြင်း ၊ စစ်ရေးမငြိမ်မသက်မှုများကြောင့် အလုပ်လက်မဲ့များဖြစ်နေကြရပြီး အပြန်စရိတ်အခက်အခဲများကြောင့် နေရပ်မပြန်နိုင်ဘဲ သောင်တင်ဒုက္ခရောက်နေကြသူများဟု ယူဆရသည်။
အဆိုပါဒုက္ခသည်များမှာ အိမ်ထောင်စု (၉၆)စု ၊ လူ(၄၁၆)ဦးဟု သိရပြီး ၄င်းတို့ သည် ရခိုင်ပြည်နယ် ၊ မင်းပြားမြို့ နယ်ရှိ အိုင်ဝန်း ၊ စအင်း ၊ တောကန် ၊ ရန်တိုင်နှင့် အခြားရွာများမှ ဖြစ်ကြောင်း သိရသည်။ ကျေးရွာများမှသာမက
မင်းပြားမြို့  ပေါ်ရှိ ဈေးဟောင်းပိုင်း ၊ အလယ်ပိုင်း ၊ အောက်ရွာပိုင်းရပ်ကွက်များမှလည်း ပါဝင်ကြောင်း သိရသည်။
အဆိုပါဒုက္ခသည်များသည် ကချင်ပြည်နယ်အစိုးရအဖွဲ့ မှ ကူညီမှုကြောင့် လာမည့် ၂၉ ရက်နေ့  တွင် မန္တလေးမြို့ သို့  ရောက်ရှိလာမည်ဖြစ်ပြီး ဇွန်လ ၃၀ ရက်နေ့့ တွင် မင်းဘူးမြို့  ၊ ဂျူလိုင်လ ၁ ရက်နေ့  တွင် ရခိုင်ပြည်နယ် ၊ မင်းပြားသို့  ရောက်ရှိလာမည်ဟု ခန့်မှန်းရကြောင်း သိရသည်။
အဆိုပါဒုက္ခသည်များအား မင်းပြားတွင် ယာယီစခန်းထားရပ်နားခိုင်းမည်ဖြစ်ပြီး စခန်းနေရာအဖြစ် မင်းပြားမြို့  ၊ မြို့ နယ်ဓမ္မာရုံကြီးနှင့် မြို့ မတောင်ကျောင်း ဘုန်းတော်ကြီး ကျောင်းများကို အသုံးပြုဖွယ်ရှိကြောင်း သိရသည်။
အဆိုပါဒုက္ခသည်များအား ရခိုင်ပြည်နယ် အစိုးရအဖွဲ့ မှ အိမ်ထောင်စု တစ်စုလျှင် ဆန်(၁)အိတ်နှင့် ကျပ်ငွေ (၁၀၀၀၀)စီ ထောက်ပံ့ကူညီသွားမည်ဖြစ်ပြီး မင်းပြားမှ စေတနာရှင်များက တစ်နိုင်တစ်ပိုင်ထောက်ပံ့ကူညီသွားမည်ဖြစ်ကြောင်း သိရသည်။
မင်းမြတ်ခိုင်
(လေးမြို့ သတင်းဘလော့ဂ်)
မြစ်ရေလျှံမှုနှင့်အတူ မျောပါလာသည့် စပါးကြီးမြွေတစ်ကောင်ကို မင်းပြားတွင် ဖမ်းမိ
(ဇွန်လ ၂၇ ၊ မင်းပြား)
ရခိုင်ပြည်နယ်မြောက်ပိုင်းရှိ အထင်ကရမြစ်ကြီးတစ်စင်းဖြစ်သော လေးမြို့  မြစ်ရေလျှံမှုအတွင်း ရေနှင့်အတူ မျောပါလာသည့် စပါးကြီးမြွေတစ်ကောင်ကို မနေ့ (၂၆)ရက်နေ့ က မင်းပြားမြို့ ပေါ်ရှိ နေအိမ်တစ်အိမ်အတွင်း ဖမ်းဆီးရရှိခဲ့သည်ဟု သိရသည်။
အဆိုပါစပါးကြီးမြွေကို မြစ်ကမ်းအနီးရှိ `မိသားစု´ထမင်းဆိုင်နေအိမ်၏ ခေါင်မိုးအတွင်းဘက်၌ ရောက်ရှိနေခဲ့ကြောင်း သိရပြီး အဆိုပါမြွေကြီးအား မာရမာကြီး တိုင်းရင်းသားတစ်ဦးဖြစ်သူ ကြက်ချေက ဖမ်းဆီး ၊ ထိန်းသိမ်းနိုင်ခဲ့ကြောင်း သိရသည်။
အဆိုပါမြွေကြီး၏ လုံးပတ်မှာ ၁၀ လက်မ ဝမ်းကျင်ခန့် ရှိပြီး အရှည်မှာ ၂ ပေ ကျော်ခန့်  ရှိ၍ အလတ်စားတောစပါးကြီးမြွေ တစ်ကောင်ဖြစ်ကြောင်း အတွေ့ အကြုံရှိသူများ၏ ပြောစကားအရ သိရသည်။
မိုးသည်းထန်စွာရွာသန်းမှုကြောင့် ရခိုင်ရိုးမအစပ်ရှိ တောင်များမြေပြိုမှုဖြစ်ပွားခဲ့သဖြင့် အဆိုပါမြွေကြီးသည် သစ်ပင်များ၊အမှိုက်သရိုက်၊ဒိုက်များနှင့် အတူ မျောပါလာခဲ့ဟန်ရှိကြောင်း အနီးအနားရှိ ဒေသခံများက ဝေဖန်ပြောဆိုနေကြကြောင်း သိရသည်။
ယခုအခါ ထိုမြွေကြီးအား လူများနှင့် ဝေးရာ တော၊တောင်တစ်နေရာသို့  သွားရောက် လွှတ်ပေးခဲ့ပြီးဖြစ်သည်ဟု အနီးအနားမှ အိမ်နီးချင်းများက ပြောကြားခဲ့ကြောင်း သိရသည်။
မင်းမြတ်ခိုင်
(လေးမြို့  သတင်းဘလော့ဂ်)
ကန့် ကွက်မှုများရှိနေသော်လည်း Miss ပြိုင်ပွဲကို ဘွဲ့ နှင်းသဘင်၌ ကျင်းပမည်
(ဇွန်လ ၂၇ ၊ စစ်တွေ)
ရခိုင်ပြည်နယ် ဝန်ကြီးချုပ်၏ အစီအစဉ်ဖြင့် ရခိုင်ပြည်နယ်အမျိုးသမီးရေးရာအဖွဲ့ ချုပ်မှ ကြီးမှုးကျင်းပနေသော Miss Universe Sittwe ပြိုင်ပွဲကို စစ်တွေတက္ကသိုလ် ၊ ဘွဲ့ နှင်းသဘင်ခန်းမ၌ ပြုလုပ်မည့်ကိစ္စ စစ်တွေတက္ကသိုလ်ကျောင်းသား၊သူများက ကန့် ကွက်၊ဝေဖန်နေကြသော်လည်း ရည်ရွယ် ထားသည့်အတိုင်း ဆက်လက်ကျင်းပသွားမည်ဖြစ်ကြောင်း သိရသည်။
စစ်တွေတက္ကသိုလ် ဘွဲ့ နှင်းသဘင်သည် တက္ကသိုလ်ကျောင်းသူ၊ ကျောင်းသားများ အသုံးပြုရန်ရည်ရွယ်ဆောက်လုပ်ထားခြင်းဖြစ်ပြီး ရိုးရာယဉ်ကျေးမှုနှင့် မကိုက်ညီသည့် အလှမယ်ရွေးချယ်ပြုလုပ်ရန်အသုံးပြုမှုမှာ မသင့်လျော်သည့်ကိစ္စ ဖြစ်သဖြင့် ပြည်နယ်ဝန်ကြီးချုပ်ထံ ကန့်ကွက်စာရေးပို့  သွားမည်ဖြစ်ကြောင်း စစ်တွေတက္ကသိုလ် သတ္တဗေဒမေဂျာမှ နောက်ဆုံးနှစ်ကျောင်းသား ကိုစောနိုင်လင်းက ပြောသည်ဟု Narinjara တွင် ဖော်ပြထားသည်။
ထို့ အတူ အဆိုပါ Miss ပြိုင်ပွဲသည် ရခိုင်တိုင်းရင်းသားတို့ ၏ ရိုးရာယဉ်ကျေးမှုကို
ခြိမ်းခြောက်၊ဖောက်ထွင်းခံရခြင်း ဖြစ်ကြောင်း ရခိုင်ဒေသခံများ၏ ဝေဖန်ကန့်ကွက်မှုသည်လည်း အင်တာနက်လူမှုကွန်ယက်များ၌ ပျံ့ နှံ့  နေခဲ့သည်ဟု သိရသည်။
သို့ သော် အဆိုပါပြိုင်ပွဲအား ဘွဲ့ နှင်းသဘင်၌ ကျင်းပမည့်  ကိစ္စနှင့် ပတ်သက်ပြီး စစ်တွေတက္ကသိုလ်ပါမောက္ခချုပ် ဒေါက်တာတင်မောင်ထွန်းက
“အစတော့ သဘောမတူဘူးဆိုပြီးပြောပါတယ်။ အခုတော့ အဲဒီအဆောင်ကို သုံးခွင့်ပေးဖို့ အတွက် ကျနော်တို့ ကျောင်းသားတွေကို ခေါ်ယူညှိနှိုင်းဆွေးနွေးလို့ အားလုံး အဆင်ပြေသွားပါပြီ” ဟု တုန့်ပြန်ပြောခဲ့ကြောင်း Narinjara သတင်း၏ ဖော်ပြချက်အရ သိရသည်။
အဆိုပါ Miss Universe Sittwe ရွေးချယ်ပွဲကို ဇွန်လ ၃ဝ ရက်နေ့ နေ့လယ် ၁ နာရီမှစတင်ကာ ညနေ ၅ နာရီအထိ ကျင်းပသွားမည်ဖြစ်ကြောင်း သိရသည်။
မင်းမြတ်ခိုင်
(လေးမြို့  သတင်းဘလော့ဂ်)
ဓာတ်ပုံ - Narinjara
မြန်မာ့အရေးကျွမ်းကျင်သူ၏ သမ္မတ ဖြစ်လာနိုင်သူများ ခန့်မှန်းချက်ထဲတွင် ရခိုင်ပြည်နယ် ၀န်ကြီးချုပ်လည်း ပါဝင်
ရန်ကုန်၊ ဇွန်လ ၂၇
မြန်မာအရေး ကျွမ်းကျင်သူ လယ်ရီဂျေဂင်၏ ၂၀၁၅ ခုနှစ် ရွေးကောက်ပွဲ အပြီးတွင် မြန်မာနိုင်ငံ၌ သမ္မတ ဖြစ်လာနိုင်သူများ ခန့်မှန်း စာရင်းထဲတွင် လက်ရှိ ရခိုင်ပြည်နယ် ၀န်ကြီးချုပ် ဦးမောင်မောင်အုန်း လည်း
ပါဝင်နေသည်။
လယ်ရီဂျေဂင်၏ သမ္မတလောင်း အဖြစ် ခန့်မှန်းချက်ထဲတွင် ရခိုင်ပြည်နယ် ၀န်ကြီးချုပ် ဦးမောင်မောင်အုန်း နာမည်အား အခြား ပုဂ္ဂိုလ် သုံးဦးနှင့် အတူ ပါဝင်နေသည်ဟု ဇွန်လ ၂၅ ရက်နေ့ထုတ် 7 Day Daily သတင်းစာတွင် ဖော်ပြထားသည်။
လယ်ရီဂျေဂင်၏ ခန့်မှန်းချက်ထဲတွင် သမ္မတလောင်း အဖြစ်နိုင်ဆုံးသူမှာ အမျိုးသားလွှတ်တော် ဥက္ကဋ္ဌ ဦးခင်အောင်မြင့် ဖြစ်ပြီး တစ်ခြား ဖြစ်နိုင်သူများမှာ ကြံ့ခိုင်ရေး ပါတီ ဒုတိယ ဥက္ကဋ္ဌ ဦးဌေးဦး၊ သမ္မတရုံး ၀န်ကြီး ဦးစိုးမောင်နှင့် ရခိုင်ပြည်နယ် ၀န်ကြီးချုပ် ဦးမောင်မောင်အုန်းတို့ ဖြစ်ကြသည်။
လက်ရှိကာကွယ်ရေး ဦးစီးချုပ် မင်းအောင်လှိုင်သည် ရှေ့လတွင် တပ်မတော်မှ အနားယူပြီး ရွေးကောက်ပွဲတွင် ထားဝယ် မဲဆန္ဒနယ်မှ ပါဝင် ယှဉ်ပြိုင်ကာ ဒုတိယ သမ္မတ ဖြစ်လာနိုင်ကြောင်း လယ်ရီက ခန့်မှန်းထားသည်။
လက်ရှိ သမ္မတ ဦးသိန်းစိန်မှာ အနားယူမည် ဖြစ်ကြောင်း၊ ပြည်ထောင်စု လွှတ်တော် နာယက ဦးရွှေမန်းကို ပြည်ခိုင်ဖြိုးပါတီက အပြည့်အ၀ ထောက်ခံမည် မဟုတ်ကြောင်း၊ ဒေါ်အောင်ဆန်းစုကြည်လည်း ၅၉(စ) ကို မပြင်ဆင်နိုင်သေးသဖြင့် သမ္မတ ဖြစ်ဖွယ် မရှိကြောင်း သူက ခန့်မှန်းထားသည်။
လယ်ရီဂျေဂင်သည် မြန်မာ့အရေးကို ကျွမ်းကျင်သူဖြစ်ပြီး ဗိုလ်ချုပ် ခင်ညွှန့် ထိန်းသိမ်းခံရမည်ဟု တစ်လ အလိုလောက်က ခန့်မှန်းပြောဆိုခဲ့ကြောင်း သိရှိရသည်။
From-Arakan State
ကျောက်တော်မြို့ နယ်ရှိ ရွာပေါင်း ၁၀ ရွာ၌ ရေဘေးအန္တရာယ်နှင့် ကြုံတွေ့ နေရ
(ဇွန်လ ၂၇ ၊ ကျောက်တော်)
ရခိုင်ပြည်နယ် ၊ ကျောက်တော်မြို့ နယ်ရှိ အပေါက်ဝကျေးရွာ၊ ပြိုင်းချောင်းကျေးရွာ၊ မင်းရပ်ပြင်ကျေးရွာအပါအဝင် ရွာပေါင်း ၁၀ ရွာကျော် ရေကြီးနေတဲ့ အန္တရာယ်နဲ့ရင်ဆိုင်နေရကြောင်း သိရသည်။
ရေကြီးမှုကြောင့် လမ်းများပျက်စီးခဲ့ရသလို ရေအမြင့်က လူနေအိမ်၏ ခေါင်မိုးလောက်ထိ မြင့်တက်လာခဲ့သဖြင့် ဒေသခံများနှင့် တိရစ္ဆာန်များကို ဘေးလွတ်ရာသို့  ရွေ့ ပြောင်းခိုလှုံနေကြရကြောင်း သိရသည်။
အဆိုပါရေဘေးသင့် ဒုက္ခသည်များအတွက် အစားအစာများ ၊ အမိုးအကာနှင့် ဆေးဝါးများ ၊ သောက်သုံးရေများ အရေးပေါ်လိုအပ်လျှက်ရှိ ကြောင်း သိရသည်။
ယခုရက်ပိုင်းအတွင်း မိုးသည်းထန်စွာ အဆက်မပြတ်ရွာသန်းမှုကြောင့် ရခိုင်ပြည်နယ် ရှိ မြို့ များ၌ ရေကြီးနေပြီး စစ်တွေမြို့ အပါအ၀င် နယ်မြို့များမှ အခြေခံ လူတန်းစားများအတွက် စားနပ်ရိက္ခာများ ကူညီရန် လိုအပ်နေကြောင်း
သိရသည်။
မင်းမြတ်ခိုင်
(လေးမြို့ သတင်းဘလော့ဂ်)
ဓာတ်ပုံ - ဧရာဝတီ
မင်းပြားရှိ နေရာအများစု၌ ရေကြီးနေမှုကြောင့် စာသင်ကျောင်းများ ပိတ်ထားရ
(ဇွန်လ ၂၆ ၊ မင်းပြား)
ရခိုင်ပြည်နယ် ၊ မင်းပြားမြို့ ၌ ၅ ရက်ဆက်တိုက် မိုးအဆက်မပြတ်ရွာသန်းနေမှုကြောင့် ယနေ့  (၂၆.၆.၂၀၁၅ )နေ့ တွင် အစိုးရစာသင်ကျောင်းများနှင့် ဈေးဆိုင်အချို့  ပိတ်ထားရကြောင်း သိရသည်။
မိုးရွာသန်းမှုသည် ယခုအပတ် တနင်္လာနေ့ မှစ၍ ယခုနေ့ ထိ အဆက်မပြတ်ရွာသန်းခဲ့ပြီး မြစ်ရေလျှံတက်လာကာ မင်းပြားရှိ နေရာတော်တော်များ၌ ရေကြီးနေခြင်းဖြစ်ကြောင်း သိရသည်။
မြို့ ပေါ်ရှိနေရာအများစု၌ ရေကြီးနေမှုကြောင့် စာသင်ကျောင်းအချို့  ကို ပိတ်ထားရကြောင်း
အထကကျောင်းမှ ဆရာတစ်ဦးက ပြောကြားသည်။ မင်းပြားမြို့ အရှေ့ ဘက်ရှိ လေးမြို့ မြစ်ရေလျှံတက်နေမှုကြောင့် နယ်မှ မော်တော်ဘုတ်များ၊ စက်လှေများလာရောက်ခြင်း မရှိတော့သဖြင့် ဈေးတွင်း၊ဈေးပြင် ဆိုင်အချို့ လည်း ပိတ်ထားရခြင်း ဖြစ်ကြောင်း သိရသည်။
အဆိုပါရေကြီး ၊ မြစ်ရေလျှံနေမှုကြောင့် စစ်တွေ-မင်းပြား ပြေးဆွဲပေးနေသည့် အမြန်ယာဉ်အချို့၏ ခရီးစဉ်များကိုလည်း ရပ်ဆိုင်းထားရကြောင်း သိရသည်။
သန့် ဇင်
(လေးမြို့ သတင်းဘလော့ဂ်)
မိုးသည်းထန်မှုကြောင့် ရခိုင်ပြည်နယ် မြို့ အချို့ ရေကြီး
ရခိုင်ပြည်နယ် သံတွဲမြို့ နှင့် ဘူးသီးတောင်မြို့နယ် တွင် ငါးရက်ဆက်တိုက်မိုးရွာသွန်းမှုကြောင့် မြို့အတွင်း ရေကြီးမှုများဖြစ်ပေါ် လျှက်ရှိသည် ရခိုင်ဒေသခံများ ထံက သတင်းရရှိသည်။
သံတွဲမြို့ ညောင်ပင်ဈေးရပ်ကွက် ၊သမုတ်ချောင်းရပ်ကွက်များမှာ ရေဘေးသင့် ပြည်သူ တစ်ရာကျော် ယာယီ တိမ်းရှောင်ရေးနေ ရာများသို့ သွားရောက်နေထိုင်လျှက်ရှိသည် ဟုဆိုသည်။
ထို့ပြင် သံတွဲမြို့တွင်း နေရာများဖြစ်သော ရတနာလမ်း၊မာဃလမ်း၊ဦးဥတ္တမလမ်း တို့တွင် လည်း လေးပေခန့် ရေတက်လာသည် ဟုဆိုသည်။
ညောင်ပင်ဈေး ဓမ္မာရုံတွင် ခေတ္တ ခိုလှုံနေသူ ဒေါ်သိန်းခင်က"ရေကတော့ နှစ်တိုင်းကြီးတာပဲ ကျွန်မတို့ အတွက်အထူးအဆန်း မဟုတ်တော့ဘူး ၊စားရေးသောက်ရေးက ရေမတက်တဲ့ ရပ်ကွက်က လူတွေ ထမင်းထုတ်တွေလာဝေတယ်"ဟု ဆိုသည်။
သံတွဲမြို့သည် မိုးဆက်တိုက်သည်းထံစွာရွာသွန်းပါက ရခိုင်ရိုးမတောင်ကျချောင်းရေများက မြို့အတွင်းသို့ ၀င်ရောက်လာခြင်းဖြစ် သည်။
ရခိုင်လူမှုကွန်ရက်အဖွဲဝင် ဦးမိုးမြင့်က "အစိုးရ အာဏာပိုင်တွေ အနေနဲ့ စီစဉ်ပေးမှုတွေ မရှိသေးဘူး"ဟု ဆိုသည်။
သို့သော်လည်း ရခိုင်ပြည်နယ် အစိုးရ အဖွဲ့ဝင်ဝန်ကြီး ဦးလှဟန်ကမူ "အဓိက က မြစ်ချောင်းတွေ တိမ်ကောသွားတာ၊ ကမ်းပြိုသွား တာကြောင့် ပင်လယ်ထဲ စီးရမယ့်ရေက မြို့ထဲကို ၀င်လာတာပါ၊ ပြည်နယ် အစိုးရ အနေနဲ့ သက်ဆိုင်ရာ မြို့နယ် စည်ပင်၊ အုပ်ချုပ်ရေးမှူး ရုံးတွေက တဆင့် သဘာဝဘေးအန္တရာကိုယ် အကောင်း ဆုံးကာကွယ်ဖို့ ပြင်ဆင်ထားပါတယ်လက်ရှိမှာလည်း ကယ်ဆယ်ရေးတွေလုပ်နေပါတယ် "ဟု ပြောသည်။
အလားတူပင် ရခိုင်ပြည်နယ် ဘူးသီးတောင်မြို့မဈေးအတွင်း တွင်လည်း ရေကြီး ရေလျှံမှုကြောင့် ဈေးများပိတ်ထားရကာ ကုန်ပစ္စည်းများကို ရွှေ့ပြောင်းနေရသည် ဟုဆိုသည်။
ထို့ပြင် ရခိုင် ပြည်နယ် စစ်တွေမြို့တွင်လည်း ကစ္စပနဒီ မြစ်မှ ရေလျှံမှုကြောင့် စစ်တွေမြို့ ပွိုင့် နေရာတွင် ကျိုးပဲ့ ပျက်စီးသွားခဲ့ သည်။
ရခိုင်ပြည်နယ် မြို့နယ် အများစုသည် မိုးရာသီတွင် တောင်ကျချောင်းရေနှင့် ၊ ပင်လယ်ရေများ ၀င်ရောက်မှုကြောင့်ရေကြီးရေလျှံမှု များဖြစ်ပေါ်လျှက်ရှိရာ ဒေသခံများအနေဖြင့် နှစ်စဉ် အခက် အခဲကြုံနေခြင်းဖြစ်သည်။
ပြည်နယ် အစိုးရ အနေဖြင့် ၂၀၁၅-၂၀၁၆ ဘဏ္ဍာနှစ်တွင် ရေစီးရေလာကောင်းမွန်ရေးနှင့် မြစ်ချောင်များ ဖွံ့ဖြိုးတိုးတက်ရေး အတွက် ပြည်နယ်အစိုးရ ခွင့်ပြုရန်ပုံငွေ သန်း ၄၉၀၀ ကျော် ရရှိထားသည် ဟု ပြည်နယ် အစိုးရ အဖွဲ့ကသိရသည်။
From-Mizzima
မင်းပြားတွင် မိုးအဆက်မပြတ်ရွာသန်းမှုကြောင့် မြေနိမ့်ပိုင်းရပ်ကွက်များ၌ ရေလွှမ်းမိုး
(ဇွန်လ ၂၅ ၊ လေးမြို့  သတင်းဘလော့ဂ် )
ပြီးခဲ့သော ဇွန်လဆန်းပိုင်းက
ရခိုင်ပြည်နယ် ၊ မင်းပြားမြို့ တွင် မိုးခေါင်မှုကြောင့် အရေးပေါ်အခြေအနေထိရောက်အောင် ရေရှားခဲ့ရသော်လည်း ယခုဇွန်လနောက်ပိုင်း နေ့ ရက်များ၌ကား မိုးသည်းထန်စွာ ရွာသန်းမှုကြောင့် မြေနိမ့်ပိုင်းရပ်ကွက်များ၌ ရေလွှမ်းမိုးလျက်ရှိကြောင်း သိရသည်။
မိုးရွာသန်းမှုကြောင့် စီးပွားရေးလုပ်ငန်းအချို့  ရပ်ဆိုင်းထားရပြီး မြစ်ရေလျှံမှုကြောင့် လမ်းပန်းဆက်သွယ်ရေးအချို့  ပြတ်တောက်နေကြောင်း သိရသည်။ စစ်တွေနှင့် မင်းပြားသို့  ပြေးဆွဲနေသည့် ရွှေပြည်တန် ၊ မေယု စသော အမြန်ယာဉ်အချို့ သည်လည်း မြစ်ရေလျှံမှုကြောင့် ခရီးစဉ်ရပ်ဆိုင်းထားရကြောင်း သိရသည်။
မင်းပြားသည် ယခင်နှစ်များကလည်း မိုးရာသီ၌ ရေကြီးလေ့ရှိပြီး ယခုနှစ်တွင် မိုးအဆက်မပြတ်ရွာသန်းမှုကြောင့် ရေကြီးလာနိုင်ကြောင်း မင်းပြားဒေသခံအချို့ က ခန့် မှန်းသုံးသပ်နေကြပါသည်။
သန့် ဇင်
(လေးမြို့  သတင်းဘလော့ဂ်)
ဓာတ်ပုံ - အောင်မျိုး