လက်နက်အင်အား အပြည့်အစုံတပ်
ဆင်ထားကြသော ရခိုင်ပြည်တပ်မတော် (Arakan Army)၊ တိုးတက်သော ဗုဒ္ဓဘာသာ ကရင် အမျိုးသား တပ်မတော် (DKBA)၊ နှင့် (KNU/KNLA) Peace Council တို့ ပူးပေါင်း၍ ယနေ့ နံနက်ပိုင်း တွင် မြ၀တီမြို့၌ ဆန္ဒထုတ်ဖော်မှု တစ်ခု ပြုလုပ်ခဲ့ကြကြောင်း သတင်းရရှိ သည်။ဆန္ဒထုတ်ဖော်မှုနှင့် ပတ်သက်၍ ရခိုင်ပြည်တပ်မတော် (Arakan Army) မှ ဗိုလ်ကြီးအောင်ထွန်းသို့ Arakan Review မှ ဆက်သွယ်မေးမြန်းခဲ့ရာတွင် `ခုလို လက်နက်ကိုင်ပြီးတော့ မြ၀တီမြို့ပေါ်မှာ ဆန္ဒထုတ်ဖော်ရတဲ့ ရည်ရွယ် ချက် (၂) ချက်ရှိပါတယ်။ ပထမတစ်ချက်က လက်ပံတောင်းတောင် ကြေးနီ စီမံကိန်း သပိတ်တိုက်ပွဲဝင်နေကြတဲ့ သံဃာတော်တွေနဲ့ ပြည်သူတွေကို အကြမ်းဖက် ဖြိုခွင်းခဲ့တာနဲ့ ပတ်သက်လို့ ဒီနေ့ နိုင်ငံအ၀ှမ်းမှာ ဆန္ဒပြတောင်းဆိုနေကြတဲ့ သံဃာတော်တွေ ရဲ့ တောင်းဆို ချက်တွေကို အမြန်ဆုံး လိုက်လျောပေးစေဖို့နဲ့ ဒုတိယအချက်ကတော့ ကချင်ထိုးစစ်ကို လုံးဝ ရပ်တန့် ပေးဖို့ ဖြစ်တယ်´ ဟု ပြောသည်။aa2
ဆန္ဒပြ တိုင်းရင်းသား လက်နက်ကိုင်တပ်ဖွဲ့ဝင် အင်အား (၂၀၀) ခန့်ရှိပြီး လက်နက်အင်အား အပြည့်အစုံ့ဖြင့် မြ၀တီ မြို့ တောရကျောင်းမှ ကြံခင်းလမ်းထိ ချီတက်ဆန္ဒပြခဲ့ ကြကြောင်း သိရသည်။
အဆိုပါ စီတန်းဆန္ဒပြမှုအား ကရင်ပြည်- ပြည်နယ်ရဲမှူး အား အသိပေး အကြောင်းကြားထားကြောင်းနှင့် အာဏာပိုင်များ ဘက်မှ စောင့်ကြည့်မှတ်တမ်းတင် ဓာတ်ပုံရိုက်ကူးမှုများ ပြု လုပ်ခဲ့ကြောင်း သိရသည်။
မြ၀တီမြို့ရှိ ပြည်သူလူထုများအနေဖြင့် ၀င်ရောက် ပူးပေါင်းလိုသော်လည်း တိုင်းရင်းသားလက်နက်ကိုင် တပ်ဖွဲ့များဘက်မှ ခွင့်မပြု ခဲ့ကြောင်း ဒေသခံများ၏ ပြောကြားချက်အရ သိရသည်။
`အခုလိုမျိုး ကိုယ်တို့ဘက်က တိုင်းရင်းသားလက်နက်တပ်တွေက ပြည်သူတွေနဲ့ တသားတည်းရှိတယ်ဆိုတာ သိရတော့၊ ကျနော် တို့လည်း ပူးပေါင်းချင်တယ်။ သူတို့ဆီက ခွင့်ပြုချက်တောင်းတော့ မရဘူးပေါ့။ သူတို့ပြောတာက တကယ်လို့ အစိုးရတပ်တွေ နဲ့ ပြဿနာတစ်ခုခုဖြစ်ရင် နှစ်ဘက်စလုံးက လက်နက်ကိုင်ထားကြတာမို့ ပြည်သူတွေကို အထိမနာစေချင်တာကြောင့် လို့ ပြော တယ်´ ဟု မြ၀တီ ဒေသခံတစ်ဦးက ပြောသည်။aa3
သံဃာတော်များနှင့် ပြည်သူလူထု၏ ဆန္ဒသဘောသည် တိုင်းရင်းသား လက်နက်ကိုင်တပ်ဖွဲ့များနှင့် ထပ်တူဖြစ်ကြောင်းနှင့် ပြည် သူ လူထုများဘက်မှ တောင်းဆိုလာပါက တုံ့ပြန်ရန် အသင့်ရှိနေကြောင်း ရခိုင်ပြည်တပ်မတော် (Arakan Army) မှ ဗိုလ်ကြီးအောင်ထွန်း က ထုတ်ဖော်ပြောကြားခဲ့သည်။
SHARE THIS
