မန္တလေးတိုင်းဒေသကြီး၊ တံတားဦးမြို့
နယ်က ကျေးရွာ အတော်များများမှာ
အုပ်ချုပ်ရေးမှူး ရွေးချယ်မှုနဲ့ပတ်
သက်ပြီး ဥပဒေချိုးဖောက်မှုတွေ
ရှိနေတယ်လို့ သိရပါတယ်။
အဲဒီလို ဥပဒေချိုးဖောက်တာကို ကြုံတွေ့ခဲ့တဲ့ လက်ဆောင်ပေးရွာ NLD အဖွဲ့ဝင် ဦးမြတ်ဆွေက သက်ဆိုင်ရာကို သူတင်ပြခဲ့တဲ့အတွက် အုပ်ချုပ်ရေးမှူးရွေးချယ်ပွဲကို ပြန်လည်ပြုလုပ်မယ်လို့ အခုကြား သိရကြောင်း RFA ကို ပြောပါတယ်။
သူတို့ လက်ဆောင်ပေးရွာသားတွေကတော့ အုပ်ချုပ်ရေးမှူး ပြန်ရွေးမှာကို မလိုလားဘဲ ရပ်ကွက် ကျေးရွာ အုပ်ချုပ်ရေးမှူးရွေးချယ်ရေးဆိုင်ရာ ပုဒ်မ(ရ/ဆ)အရ ဒုတိယအရွေးခံရသူကို ခန့်ထားပေးဖို့ လိုလားနေကြတယ်လို့ ဆိုပါတယ်။
ရွေးချယ်ပွဲပြန်လုပ်ရင် အရင်ကအတိုင်းပဲ အုပ်ချုပ်ရေးအဖွဲ့က လိုလားသူတွေကို အရွေးခံရအောင် ထပ်မံလုပ်ဆောင်မှုရှိနိုင်တယ်လို့ သူတို့ကပြောပါတယ်။
တံတားဦးမြို့နယ်ထဲက လက်ဆောင်ပေးရွာအပြင် ငါးရွာ၊ ဖျားရွာ၊ ဇီးပင်စုရွာ၊ အင်ကန်ရွာ၊ ခနုံတပ်ရွာ၊ သွေးနီကန်ရွာတွေမှာလည်း အုပ်ချုပ်ရေးမှူး ရွေးချယ်မှုနဲ့ပတ်သက်ပြီး မသမာမှုတွေရှိတယ်ဆိုတဲ့ သတင်းတွေ ထွက်ပေါ်နေပါတယ်။
RFA (မြန်မာပိုင်း)
SHARE THIS
