သစ်ပင်ကျိုးကျရာမှတစ်ဆင့် ဓာတ်တိုင်ကျိုးကျ၊ အမျိုးသမီးတစ်ဦး ပြင်းထန်ဒဏ်ရာရ

Wednesday, 29 May, 2013

မုံရွာမြို့၊ အိုးဘိုတောင်ရပ်ကွက်၊ အိုးဘိုတောင်ကွေ့တွင် ယနေ့ညနေ လေးနာရီခွဲခန့်တွင် လမ်းဘေးရှိ တမာပင်ကျိုးကျရာမှာ တစ်ဆင့် ဓာတ်တိုင်ပါ ကျိုးကျရာ လမ်းပေါ်တွင် ဆိုင်ကယ်မောင်းနှင်နေသော အမျိုးသမီးတစ်ဦးပေါ်သို့ အဆိုပါ ဓာတ်တိုင် လဲကျပိကျမှု ဖြစ်ပွားခဲ့သည်။

"တမာပင်က အထဲမှာ ဆွေးနေလို့နဲ့တူတယ်၊ မိုးလေးနည်းနည်းကျနေတဲ့အချိန်မှာ ကျိုးကျသွားတယ်။ အဲဒီတမာပင်က ဓာတ်ကြိုးတွေပေါ် ပိသွားတဲ့အချိန်မှာ ဟိုဘက်က ဓာတ်တိုင်ကပါ လိုက်ပြီးလဲကျသွားတယ်။ ဟို အမျိုးသမီးက တော်တော် ကံဆိုးပါတယ်။ အဲဒီဓာတ်တိုင်အောက်မှာမှ ဆိုင်ကယ်ရော၊လူပါ ပိသွားတယ်။ အခုတော့ ဆေးရုံပို့လိုက်တယ်ပြောတယ်" ဟု အိုးဘိုတောင်ရပ်ကွက်အတွင်း နေထိုင်သူတစ်ဦးက ပြောကြားသည်။

အခင်းဖြစ်ပြီး မကြာခင် မြို့နယ်အုပ်ချုပ်ရေးမှူးနှင့်တာဝန်ရှိသူများ ရောက်ရှိလာပြီး လမ်းမပေါ် လဲကျနေသော သစ်ပင်နှင့်ဓာတ်တိုင်ကို ဖယ်ရှားရန် စီစဉ်လျက်ရှိကြောင်းလည်း သိရသည်။

ThanLarWaddy Times

SHARE THIS