ထိုသူသည် မြေပေါ် အကျတွင် အနီးရှိ အဆောက်အအုံ တစ်ခုမှ အမိုးပေါ် ဦးစွာကျခဲ့သေးကြောင် ရဲများက ဆိုသည်။ အစောပိုင်းက ၎င်း၏ အခြေအနေကို အရေးပေးအဆင့် သတ်မှတ်ခဲ့သော်လည်း ယခုအခါ တိုးတက် တည်ငြိမ်လာကြောင်း သိရှိရသည်။ နယူးဇီလန်ဟာရဲလ် သတင်းစာက ပြုတ်ကျသူမှာ တွမ်စတီးလ်ဝဲလ် အမည်ရှိ ဗြိတိန်သား တစ်ဦးဖြစ်ပြီး အားလပ်ရက် အပန်းဖြေမှုအဖြစ် ရောက်ရှိနေခြင်းဟု ဖော်ပြခဲ့သည်။ ၎င်း၏ မိတ်ဆွေ ဒေ့ဗ်သောမတ်စ်က စတီးဝဲလ်သည် လည်ပင်းနှင့် ကျောရိုးတို့တွင် ကျိုးအက်နေခဲ့ပြီး အတွင်းဒဏ်ရာများလည်း ရှိနေကြောင်း ပြောကြားခဲ့သည်။
(၁၅)ထပ်တွင် နေထိုင်သည့် ဂီရဲလ်ဒင်း ဘာတစ္စတူတာ "ညနှစ်နာရီလောက်ကြီး တံခါးလာခေါက်တယ်။ ကျွန်မထွက်ကြည့်တော့ သူက လသာဆောင်ကနေ တစ်ဖက်ကို ကူးခွင့်ပေးပါလို့ ခွင့်တောင်းတယ်။ နည်းနည်းတော့ သောက်ထားပုံပဲ။ ကြောက်စရာတော့ မကောင်းပါဘူး။ ကျွန်မက သူတကယ် မခုန်ဘူးလို့ ထင်ခဲ့တာ။ နောက်တော့ ကြောက်စရာတွေ ဖြစ်လာတာပဲ"ဟု ပြောကြားခဲ့သည်။ "အရမ်းမြန်တယ်။ စက္ကန့်ပိုင်းလေးမှာတင် ဖြစ်သွားတာ။ အကူအညီတောင်းဖို့တောင် ကျွန်မ အော်ချိန် မရလိုက်ဘူး။ စက္ကူတစ်ရွက်လို ပြုတ်ကျသွားတော့တာပဲ"ဟုလည်း သူမက ဆိုသည်။ ဆေးရုံမှ ဆရာဝန်များကမူ ယခုအမြင့်နှင့် ၎င်း၏ ကိုယ်အလေးချိန် တွက်ချက်မှုများအရ အသက်မသေဘဲ ရှိနေသည်မှာ အလွန် အံ့ဩဖွယ်ရာ အခြေအနေ တစ်ရပ်ဟု ဝန်ခံ ပြောကြားထားသည်။
Source: Missoulia