ဖာဂူဆန်နှင့် ပြဿနာ အချို့ကြောင့် ယူနိုက်တက်မှ ဘက်ဟမ်း (၂၀၀၃)ခုနှစ်တွင် ထွက်ခွာသွားခဲ့သော်လည်း ဆရာတပည့် နှစ်ဦး၏ ဆက်ဆံရေးမှာ နောက်ပိုင်းတွင် ပြန်လည် ကောင်းမွန်လာခဲ့သည်။ ယူနိုက်တက်တွင် ဒါရိုက်တာ ရာထူးတစ်နေရာ ရယူမည့် ဖာဂူဆန်သည် ဘက်ဟမ်းကိစ္စတွင် အသင်းကို ကူညီသွားဖွယ် ရှိနေသည်။ အိုးလ်ထရက်ဖို့ဒ်နှင့် နီးစပ်သူများက "ဂလေဇာတွေက ဘက်ဟမ်းရဲ့ ပုံရိပ်ဟာ အသင်းအတွက် ကြီးကြီးမားမား အကျိုးအမြတ် ဖြစ်စေမယ်လို့ ယုံကြည်နေကြတယ်။ ဆာအဲလက်စ်ကတော့ ဒီကဏ္ဍမှာ ပါဝင်လာဖို့ ရှိနေတယ်။ ဘာတွေ ဖြစ်လာမယ် ဆိုတာကတော့ စိတ်ဝင်စားစရာပဲ"ဟု ပြောကြားခဲ့ကြသည်။ ဘက်ဟမ်းသည် ပြီးခဲ့သည့်လက PSGတွင် ကစားနေရာမှ ဘောလုံးလောကကို စွန့်ခွာ အနားယူရန် ဆုံးဖြတ်ခဲ့သည်။
အသက်(၃၈)နှစ်ရှိ ဘက်ဟမ်းသည် ၎င်းဘဝတွင် ယူနိုက်တက်ကို ထာဝရ တွယ်တာနေဆဲဖြစ်ကြောင်း အစဉ်သဖြင့် ပြောဆိုလေ့ ရှိသည်။ ၎င်းသည် ပေါင်စတာလင် သန်း(၂၀)မျှ တန်ကြေးရှိသည့် (၅)နှစ် သက်တမ်း စာချုပ်တစ်ရပ်ကိုလည်း Sky TV၏ တင်ဆက်သူအဖြစ် ပါဝင်ရန် သဘောတူ လက်မှတ်ရေးထိုးထားပြီး ဖြစ်သည်။