တရုတ်မှာလဲ ပြဿနာ ရှာပြန်ပြီ

Thursday ,April25 ,2013


ဝီဂါမူဆလင်နဲ့ တရုတ်ရဲကြား ပဋိပက္ခဖြစ် ၂၁ ဦးသေ
--------------------------------------------------------  တရုတ်နိုင်ငံ အနောက်ပိုင်း -ရှင်ကျန်း ပြည်နယ်မှာ ဒေသခံ ဝီဂါလူမျိုးတွေနဲ့ တရုတ်ရဲတွေအကြား ပဋိပက္ခဖြစ်ကြရာက လူပေါင်း ၂၁ ယောက် သေဆုံးခဲ့ရပါတယ်။

ဝီဂါလူမျိုး လူငယ်တချို့ ဓားတွေကိုင်ဆောင်ထားတာကို တရုတ်အစိုးရအရာရှိတွေ သတိပြုမိပြီး ရဲတွေကို အကြောင်းကြားရာက ပဋိပက္ခ စတင်ခဲ့တာလို့ တရုတ်အစိုးရပိုင် မီဒီယာမှာ ဖော်ပြထားပါတယ်။

ရဲတွေက ဒေသခံတွေရဲ့ နေအိမ်မှာ လက်နက်သိုလှောင်မှုတွေ ရှိမရှိ စစ် ဆေး ရာ က ပြဿနာ ဖြစ်တာ လို့လည်း ဖော်ပြထားပါတယ်။

ဝီဂါလူမျိုးတချို့နဲ့ တရုတ်ရဲတွေအကြား ဖြစ်နေတဲ့ ပဋိပက္ခအတွင်း တခြား ဝီဂါလူမျိုးတွေပါ ပါဝင်ပြီး ရဲတွေကို တိုက်ခိုက်ခဲ့တဲ့အတွက် ရဲတွေနဲ့ တရုတ်အစိုးရဝန်ထမ်း ၁၅ ယောက်လောက် သေဆုံးပြီး ဝီဂါလူမျိုး ၆ ယောက် သေဆုံးခဲ့တယ်လို့ ဘေကျင်းမြို့အခြေစိုက် အေဘီစီသတင်းထောက် Stephen McDonell က သတင်းပေးပို့ခဲ့ပါတယ်။

ဝီဂါလူမျိုးတွေဟာ အစ္စလာမ်ဘာသာဝင်တွေဖြစ်ကြပြီး အများစုက တရုတ်နိုင်ငံကနေ လွတ်လပ်ရေးရရှိဖို့ လိုလားကြသူတွေ ဖြစ်ပါတယ်။ ရှင်ကျန်း ပြည်နယ်မှာ ဝီဂါလူမျိုး လူဦးရေ ၉ သန်းလောက်ရှိပြီး ရှင်ကျန်းပြည်နယ် လူဦးရေရဲ့ ၆၀% ကျော်ရှိပြီး ကျန်လူတွေကတော့ ဟန်တရုတ်လူမျိုးတွေ များပြားကြောင်း သိရပါတယ်။

ဝီဂါလူမျိုးတွေကတော့ သူတို့အပေါ် တရုတ်အစိုးရက ဘာသာရေး၊ လူမျိုးရေး ဖိနှိပ်မှုတွေလုပ်တယ်လို့ ပြောဆိုထားပြီး တရုတ်အစိုးရကလည်း ဝီဂါလူမျိုးတချို့ ဟာ အကြမ်းဖက်သမားတွေဖြစ်တယ်လို့ပြောပြီး တချို့ကို ဖမ်းဆီးမှုတွေ လုပ်ခဲ့ပါတယ်။

ABC Radio Australia

SHARE THIS