Thursday,May02,2013
မနေ့က ကျရောက်တဲ့ မေဒေး ခေါ် အလုပ်သမားနေ့အတွင်း နိုင်ငံအတော်များများမှာ ဆန္ဒပြမှုတွေ ဖြစ်ခဲ့ပြီး ဥရောပတိုက်တခွင်မှာတော့ စီးပွားရေးကျဆင်းမှုတွေဖြစ်နေတုန
မေဒေးနေ့ အခမ်းအနားဟာ သာမာန်အားဖြင့် အလုပ် သမားရေး ဆိုင်ရာ တိုး တက် ပြု ပြင် ပြောင်း လဲ မှု တွေအပေါ် ကျေနပ်တဲ့ အနေနဲ့ ကျင်းပတဲ့ ပွဲဖြစ်ပေမယ့် ဂရိနိုင်ငံမှာတော့ အသက် ၂၅ နှစ်အောက် လူငယ် လူဦးရေ ၅၉ % အလုပ်လက်မဲ့ ဖြစ်နေတဲ့အပေါ် အမျက်ဒေါသ ထွက်ပြီး ဆန္ဒပြခဲ့ကြပါတယ်။
စပိန်၊ ပြင်သစ်နဲ့ ဗြိတိန်နိုင်ငံမှာလည်း ထောင်နဲ့ချီတဲ့ လူတွေ ချီတက်ဆန္ဒပြခဲ့ကြပြီး တူရကီနိုင်ငံမှာတော့ ရဲတွေက မျက်ရည်ယိုဗုံးတွေ၊ မီးသတ်ပိုက်တွေ အသုံးပြုပြီး လူစုခွဲရတဲ့အထိ ဖြစ်ခဲ့ပါတယ်။
ရောမမြို့မှာတော့ ပုပ်ရဟန်းမင်းကြီး ဖရန်းစစ်က နိုင်ငံရေးသမားတွေ အနေနဲ့ အလုပ်သမား ဈေးကွက် ပြန်လည် ရှင်သန်အောင် ပြုလုပ်ဖို့ တိုက်တွန်း လိုက်ပါတယ်။
တခါတရံ အလုပ်လက်မဲ့ ပြဿနာဟာ လူမှု တရားမျှတရေးထက် တကိုယ်ကောင်းဆန်တဲ့ အမြတ်စား မှုတွေကြောင့် ဖြစ်ပေါ်လာ တတ်တယ်လို့လည်း သတိပေးပြောကြား လိုက်ပါတယ်။
အင်ဒိုနီးရှားနိုင်ငံမှာလည်း လုပ်ငန်းခွင် အခွင့်အရေးနဲ့ လောင်စာဆီဈေးနှုန်းအပေါ် မကျေနပ်ကြတဲ့အတွက် အလုပ်သမားအယောက်ပေါင်း တစ်သိန်းလောက် ဆန္ဒပြခဲ့ကြပြီး ဂျာကာတာမြို့လည်ကို လူသွားလူလာ မရှိအောင် ပိတ်ချခဲ့ကြတယ်လို့ သိရပါတယ်။
ဆန္ဒပြသူတွေ အကြမ်းဖက်လာမှာကို ရဲတွေက စိုးရိမ်ကြပေမယ့် ဆန္ဒပြသူတွေက အကတွေ၊ သီချင်းတွေဆိုပြီး ပျော်ပွဲဆန်တဲ့ ဆန္ဒပြပွဲကို ပြုလုပ် ခဲ့ကြပါတယ်။ ဘတ်စ်ကားအစီးပေါင်း ထောင်နဲ့ချီက ဆန္ဒပြသူတွေကို အခမဲ့တင်ဆောင်ပြီး ဂျာကာတာမြို့လည်ကို ပို့ဆောင်ပေးခဲ့ကြပါတယ်။
အင်ဒိုနီးရှားနိုင်ငံမှာ ဒေါ်လာသန်းပေါင်း ထောင်နဲ့ချီအသုံးပြုပြီး လောင်စာဆီဈေးနှုန်းသက်သာအောင် အစိုးရက လုပ်ဆောင်ပေခဲ့ပြီး အဲဒီ အစီအစဉ် ရပ်တန့်ဖို့ စီစဉ်တာကို မကျေနပ်တဲ့အတွက် ဆန္ဒပြကြတာ ဖြစ်ပါတယ်။
၂၀၁၄ ခုနှစ်အထိ အခြေအနေ တိုးတက်အောင် မလုပ်ဆောင်ပေးရင် အဓိက လမ်းမတွေကို ပိတ်ဆို့မယ်လို့လည်း ဆန္ဒပြသူတွေက ကြိမ်းဝါးထားကြောင်း အေဘီစီသတင်းထောက်က ဂျာကာတာမြို့ကနေ သတင်းပေးပို့ခဲ့ပါတယ်။
ဘင်္ဂလားဒေ့ရ်ှနိုင်ငံမှာလည်း ထောင်နဲ့ချီတဲ့ လူတွေ မေဒေးနေ့မှာ ဆန္ဒပြခဲ့ကြပြီး အထပ် ၈ ထပ် အဆောက်အဦးပိုင်ရှင်ကို သေဒဏ်ချမှတ်ဖို့ တောင်းဆို ခဲ့ကြပါတယ်။
ဒါကာမြို့က အထပ် ၈ ထပ်ရှိတဲ့ အဆောက်အဦးမှာ အထည်ချုပ် စက်ရုံ ၅ ခု ရှိပြီး အဆောက်အဦး ပြိုကျမှုကြောင့် ခုအခါမှာ သေဆုံးသူ အယောက် ၄၀၀ ရှိသွားပြီး လူပေါင်း ၁၅၀ ကျော် ပျောက်ဆုံးနေဆဲ ဖြစ်ပါတယ်။
ဒီအဆောက်အဦး ပြိုကျမှုနဲ့ ပတ်သက်ပြီး အဆောက်အဦးပိုင်ရှင်တွေ၊ စက်ရုံပိုင်ရှင်နဲ့ အဆောက်အဦး အင်ဂျင်နီယာတွေ စုစုပေါင်း လူ ၈ ယောက်ကို အာဏာပိုင်တွေက ဖမ်းဆီးထားပါတယ်။
ABC Radio Australia
အင်ဒိုနီးရှားနိုင်ငံမှာ လူပေါင်း တစ်သိန်းကျော် မေဒေးနေ့ ဆန္ဒပြပွဲမှာ ပါဝင်ခဲ့ကြပါတယ်။
