(Political News)
Jan 15 , 2016
ပြည်ထောင်စု တိုင်းရင်းသားညီလာခံတွင် တိုင်းရင်းသားလူမျိုးစုများ ပြည်နယ်သစ်တောင်းဆိုနေမှုများနှင့် ပတ်သက်၍ ပင်မ တိုင်းရင်းသားမျိုးနွယ်စုများ၏ တန်းတူအခွင့်ရေးဆိုင်ရာ ကိစ္စများကို အရင်မစဉ်းစားဘဲ ပြည်နယ်သစ်မရသေးသည့် တိုင်းရင်းသားများ၏ တောင်းဆိုမှုများကို ပြည်နယ်ပေးရန် အလျင်စလို စဉ်းစားမည်ဆိုပါက မြန်မာပြည်သည် ယူဂိုဆလားဗီးယား ပြည်ထောင်စုကဲ့သို့ ကမ္ဘာ့မြေပုံမှ ပျောက်ကွယ်သွားလိမ့်မည်ဟု ရှမ်းတိုင်းတိုင်းရင်းသား ခေါင်းဆောင် ဦးခွန်ထွန်းဦးက သတိပေး ပြောဆိုလိုက် ကြောင်း သိရသည်။
"ခပ်ရှင်းရှင်း ပြောရရင်တော့ ပြည်နယ်ပေးလိုက်ရင် ယူဂိုဆလားဗီးယားလို
ဖြစ်နိုင်တယ်။ ယူဂိုဆလားဗီးယားလိုမျိုး မြန်မာပြည်မြေပုံ ပျောက်သွားမယ် " ဟု ဦးခွန်ထွန်းဦးက ပြောကြားသည်ဟု The Lady News တွင် ဖော်ပြထားသည်။
ညီလာခံ တက်ရောက်နေသည့် “၀” ဒီမိုကရက်တစ် ပါတီအနေဖြင့် သံလွင်
အရှေ့ခြမ်း ဒေသများအပြင် အနောက်ခြမ်းရှိ တန့်ယန်း ၊ လားရှိုး အစရှိသည့်
ဒေသများကိုပါ တောင်းဆိုမှုများ ရှိလာခဲ့မှုအပေါ်"၀” များအား ပြည်နယ်ပေးပါက တရုတ်သြဇာ လွှမ်းမိုးလွန်းသည့်အတွက် သံလွင်မြစ် အရှေ့ဘက်ခြမ်း ၊ သျှမ်းပြည်နယ် အရှေ့ပိုင်း ဒေသတစ်ခုလုံးမှာ ခရိုင်းမီးယားကဲ့သို့ ဖြစ်လိမ့်မည်ဟု ဦးခွန်ထွန်းဦးက ယခင်ကပင် သတိပေး ပြောဆိုခဲ့ဖူးကြောင်း သိရသည်။
ထို့အပြင် ပအိုဝ်း ၊ တအာင်းပလောင် စသည့် အဖွဲ့အစည်းများကလည်း တအာင်း၊ပလောင်နှင့် ပအိုဝ်းပြည်နယ်ရရှိရေးအတွက် လက်ရှိကျင်းပနေသည့် ညီလာခံတွင် တောင်းဆိုနေကြပြီး တိုင်းလိုင်ရှမ်းနီများကလည်း ကချင်ပြည်နယ်နှင့် စစ်ကိုင်းတိုင်း အထက်ပိုင်းရှိ ရှမ်းနီများနေထိုင်ရာ ဒေသများကို ပြည်နယ်သစ်အဖြစ် သတ်မှတ်ပေးရန် တောင်းဆိုမှုများ ရှိနေသည်ဟု သိရသည်။
မောင်လူအေး (လေးမြို့ )
�