ရခိုင်ပြည်နယ်လူထုအားတိုးတက်စေချင်သူ (သို့) Dr. Wakar Uddin
Tuesday, December 11, 2012 ရိုဟင်ဂျာဆောင်းပါး
Dr. Wakar Uddin (ဓါတ်ပုံ - မင်းသိန်း)
မင်းသိန်း
RB N
ews
ဒီဇင်ဘာ (၁၂) ၂၀၁၂
ရခိုင်ပြည်နယ်အရေး၊ ရိုဟင်ဂျာအရေးများနဲ့ပတ်သက်ပြီး Dr. Wakar Uddin ရဲ့အင်တာဗျူးတွေကို ကမ္ဘာ့မီဒီ ယာကြီး တွေဖြစ်တဲ့ CNN, BBC, Al Jazeera မှာမကြာခဏတွေ့နေရတယ်။ Dr. Wakar Uddin နဲ့ပတ်သက်ပြီး ရခိုင်ပြည်နယ် အရေးကိုစိတ်ဝင်စားကြတဲ့ မြန်မာပြည်သူပြည်သားတွေဆီကလည်း ထင်မြင် ချက်တွေကို အမျိုးမျိုးကြားနေရတယ်။ အထူးသဖြင့်ရခိုင်ဗုဒ္ဓဘာသာဝင်တွေဆီကကြားနေရတာကတော့ (ပြည်ပမှာ ရိုဟင်ဂျာခေါင်းဆောင် Dr. Wakar Uddin ကဦးဆောင်ပြီးတော့အာရပ်နိုင်ငံများအပါအ၀င်နိုင်ငံ တကာ အကူအညီကိုယူပြီး ရိုဟင်ဂျာနိုင်ငံထူထောင်ဖို့ကြိုးစားနေ ကြတယ်) ဆိုတဲ့စကားတွေပါပဲ။ ဘယ် သူတွေ ဘာရည်ရွယ်ချက်နဲ့ဘယ်လို သတင်းအရင်းအမြစ်တွေအပေါ် အခြေခံပြီး ပြောနေကြ တယ်ဆိုတာ ကိုကျွန်တော်ရိပ်မိနေပေမယ့် အမှန်တကယ်ရိုဟင်ဂျာခေါင်းဆောင်တွေက ရခိုင်ပြည်နယ်ကို ရိုဟင် ဂျာနိုင်ငံ ထူထောင်ဖို့ကြိုးစားနေကြတယ်ဆိုရင် ရခိုင်ပြည်နယ်မှာမွေး၊ ရခိုင်ပြည် နယ် မှာကြီးပြင်း လာခဲ့တဲ့ ကျွန်တော်တို့ကိုယ်တိုင်ရှေ့ဆုံးကမားမားမတ်မတ်ရပ်ပြီး ကန့်ကွက်မှာဖြစ်ပါတယ်။ ပြည်တွင်းပြည်ပ ရိုဟင် ဂျာခေါင်းဆာင်တွေမီဒီယာတွေနဲ့ခဏခဏအင်တာဗျူးလုပ်နေကြတယ်။
ရိုဟင်ဂျာနိုင်ငံထူထောင်မယ်ဆိုတဲ့စကားမျိုးတစ်ခါမှမကြားခဲ့ရဘူး။ဒါပေမယ့်ပြည်တွင်းပြည်ပရခိုင်ခေါင်း ဆောင်တွေရဲ့အင်တာဗျူးတွေမှာတော့ (အဖရခိုင်နိုင်ငံတော်ထူထောင်မယ်ဆိုတဲ့စကားတွေ၊အစ္စလာမ် အယူဝါဒလွှမ်းမိုးမှုနဲ့မဟာဗမာဝါဒလွှမ်းမိုးမှုဆိုတဲ့ အယူဝါဒနှစ်ခုလုံးကိုရခိုင်လူမျိုးတွေပြင်းပြင်းထန်ထန် ကာ ကွယ်နေရတယ်ဆိုတဲ့စကားလုံးတွေကို) မကြာခဏမြင်နေ၊ ကြားနေရတယ်။ ကျွန်တော့်အနေနဲ့ရခိုင် ဗုဒ္ဓ ဘာသာဝင်အများစုစွပ်စွဲပြောဆိုနေသလို ရိုဟင်ဂျာနိုင်ငံထူထောင်ရေးနဲ့ပတ်သက်ပြီး ရိုဟင်ဂျာ ခေါင်းဆောင်တစ်ဦးဖြစ်တဲ့ Dr. Wakar Uddin ရဲ့သဘောထားအ မှန်ကို သိချင်နေခဲ့တယ်။
၂၀.၁၁.၂၀၁၂ နေ့ဂျာမဏီနိုင်ငံ ဖရန့်ဖတ်မြို့မှာ Dr. Wakar Uddin နဲ့တွေ့ဆုံပွဲဆိုပြီး မြန်မာရိုဟင်ဂျာများ အသင်း (ဂျာမဏီ) ကဖိတ်စာတစ်စောင်ရောက်လာတယ်။ ကျွန်တော်သိချင်နေတဲ့အကြောင်း အရာတစ်ခု၊ မြန်မာမွတ်စလင်တချို့ရဲ့စိတ်ထဲမှာသံသယ၀င်နေတဲ့အရာတစ်ခု၊ ငယ်ငယ်လေးတုန်းက လည်ပင်းဖက်ပြီး အတူတူကြီးပြင်းလာခဲ့ကြတဲ့ ရခိုင်ဗုဒ္ဓဘာသာဝင်သူငယ်ချင်းများရဲ့ စိုးရိမ်သောကရောက်နေရ တဲ့အကြောင်း အရာတချို့အတွက် Dr. Wakar Uddin ကိုအဲဒီတွေ့ဆုံပွဲမှာမေးခွန်း တချို့ကျွန်တော်မေးဖြစ် ခဲ့ပါတယ်။
MT (မေး)။ ပြည်တွင်းပြည်ပမှာရှိနေကြတဲ့မြန်မာတွေက အန်ကယ့်ကိုရိုဟင်ဂျာလူမျိုးစုခေါင်းဆောင် အဖြစ်သိထားကြပါတယ်။ ရိုဟင်ဂျာလူမျိုးစုနဲ့ပတ်သက်ပြီးအန်ကယ်တို့ရဲ့အဓိကတောင်းဆိုချက်တွေ ကိုပြောပြပေးစေ ချင်ပါတယ်။
Dr. WU (ဖြေ)။ နံပါတ် (၁) အချက်အနေနဲ့ကျွန်တော်ပြောချင်တာကတော့ (ဒေါက်တာကတော့တွေ့ဆုံ ပွဲတလျှောက်လုံးလူငယ်၊လူလတ်ပိုင်းတွေကြားမှာသူ့ကိုယ်သူကျွန်တော်ဟုသုံးနှုန်းသွားပါသည်) ကျွန်တော့် ကိုယ်ကျွန်တော်ရိုဟင်ဂျာတွေရဲ့ခေါင်းဆောင်အဖြစ်မခံယူထားပါဘူး။အရင်ကကျွန်တော်ရိုဟင်ဂျာလူမျိုးစုအ တွက်အချိန်မပေးနိုင်ခဲ့ဘူး။အခုအချိန်ပေးနိုင်တဲ့အတွက်ကျွန်တော်လုပ်နိုင်တဲ့အပိုင်းတွေ ကိုလုပ်နေခြင်း သာဖြစ်ပါတယ်။ ဒီလိုဘဲ ကမ္ဘာ့မီဒီယာကြီးတွေမှာ အင်တာဗျူးတွေလုပ် လို့ရအောင် ကျွန်တော်ကြိုး စားနေတာ မဟုတ်ပါဘူး။ သတင်းမီဒီယာတွေကတောင်းဆိုလို့ ကျွန်တော် အင်တာ ဗျူးတွေပေးနေ ရခြင်းဖြစ်တယ်။ ဒါဟာကျွန်တော့်ရဲ့ပင်ကိုယ်စရိုက်လဲဖြစ်ပါတယ်။ ဒုတိယအချက် အနေနဲ့ ရိုဟင်ဂျာလူမျိုးစု နဲ့ပတ်သက်ပြီး ကျွန်တော်တို့တောင်းဆိုနေ တာကလူသားတစ်ယောက်ရဲ့ အခြေခံ လူ့အခွင့် အရေးကိုပါ။ ရိုဟင်ဂျာလူမျိုးစုကိုမြန်မာနိုင်ငံသားအဖြစ်အသိအမှတ်ပြုရမယ်။ တခြားမြန်မာနိုင်ငံ သား အားလုံးနဲ့တန်းတူ လွတ်လပ်စွာပညာသင်ခွင့်၊ လွတ်လပ်စွာကိုးကွယ်ခွင့်၊ လွတ်လပ်စွာစီးပွားလုပ်ခွင့်၊ လွတ်လပ်စွာခရီး သွား လာခွင့်၊ လွတ်လပ်စွာလက်ထပ်ခွင့်ပေးရမယ်။ အမှန်တကယ်ဒီအခွင့်အရေးတွေက ရိုဟင်ဂျာလူမျိုးစု တစ်စုတည်းပဲ သက်ဆိုင်တဲ့ အခွင့်အရေးမဟုတ်ဘဲ မြန်မာနိုင်ငံရော၊ ကမ္ဘာ့နိုင်ငံတွေမှာပါ ဘယ်လိုလူ သားတစ်ယောက်မဆိုရသင့်ရထိုက်တဲ့ အခြေခံလူ့အခွင့် အရေးဖြစ်ပါတယ်။ မြန်မာနိုင်ငံမှာ ဒီလူ့အခွင့် အရေးတွေ ကိုအပြည့်အ၀မခံစားရတဲ့ ရိုဟင်ဂျာလူမျိုးစု အပြင်မြန်မာမွတ်စလင်ထဲ မှာလည်း အများကြီး ရှိနေ တယ်။ တိုင်းရင်း သားခရစ်ယာန် ဘာသာဝင်တွေထဲ မှာလည်းအများကြီးရှိနေတယ်။ ကုန်ကုန်ပြော ရရင် စစ်အစိုးရနဲ့ သူတို့မိသားစုဝင်တွေ၊ သူတို့အသိုင်းအ၀ိုင်းနဲ့ပနံသင့်တဲ့လူတွေကလွှဲပြီး ကျန်တဲ့ပြည် သူတွေထဲ မှာ လူသားအခွင့်အရေးတွေနစ်နာဆုံးရှုံးနေတာအများကြီးဘဲ။ ဒါတွေကိုကမ္ဘာက သိလာအောင် ကျွန်တော်တို့ပြောပြနေရခြင်းဖြစ်တယ်။ ကျွန်တော်တို့တောင်းဆိုနေတာဟာလူသား တစ်ယောက်ရဲ့ အခြေခံလူ့အခွင့် အရေးဘဲဖြစ်ပါတယ်။
MT (မေး)။ ရခိုင်ဗုဒ္ဓဘာသာဝင်အများစုက အန်ကယ်တို့လိုပြည်တွင်းပြည်ပရိုဟင်ဂျာခေါင်းဆောင်တွေက ဦးဆောင်ပြီးတော့ ရိုဟင်ဂျာပြည်နယ်ခွဲထွက်ဖို့၊ အစ္စလာမစ်နိုင်ငံ ထူထောင်ဖို့၊ မြန်မာနိုင်ငံ ကိုအစ္စလာမစ် နိုင်ငံဖြစ် လာအောင်လုပ်ဖို့ ကြိုးစားနေကြတယ် လို့စွပ်စွဲနေကြ တဲ့အပေါ်အန်ကယ့်ရဲ့ သဘောထား ကို သိချင် ပါတယ်။
Dr. WU (ဖြေ)။ မြန်မာနိုင်ငံရဲ့လွှတ်တော်တွေထဲမှာ ရိုဟင်ဂျာလူမျိုးတွေကိုယ်တိုင်မဲပေးပြီးရွေးကောက် တင်မြှောက်ထား တဲ့ရိုဟင်ဂျာလွှတ်တော်အမတ်တွေရှိနေတယ်။ ရိုဟင်ဂျာခေါင်းဆောင်တွေ လွှတ်တော် ထဲမှာ ရိုဟင်ဂျာလူမျိုးစုနဲ့ပတ်သက်ပြီးတော့ အခြေခံလူ့အခွင့် အရေးကိုတောင်း ဆိုနေတာ လား။ ပြည်နယ် ခွဲထွက်ဖို့တောင်းဆိုနေတာလားဆိုတာ ပြည်တွင်း သတင်းတွေကိုလေ့လာကြည့်ရင်သိနိုင်တယ်။ဒါမှမဟုတ် ရိုဟင်ဂျာခေါင်းဆောင်တွေလွှတ်တော်ထဲမှာ ဘာတွေဆွေးနွေးတင်ပြတယ်ဆိုတာလွှတ်တော် သ တင်း ရပ်ကွက်ကနေ သိနေ၊ မြင်နေကြမှာဘဲ။ ဒီအပိုင်းနဲ့ပတ်သက်ပြီးကျွန်တော့်ဖက်မှာ ဘာမှပြောစရာ မရှိပါဘူး။ ကျွန်တော့်တို့ဖက်အပိုင်းကျတော့ပထမမေးခွန်းကဖြေထားသလိုဘဲ။ ကျွန်တော်တို့အဓိကတောင်းဆိုနေ တာက အခြေခံလူ့အခွင့်အရေးဘဲဖြစ်တယ်။ခင်ဗျားတို့စဉ်းစားကြည့်ပါ။ကျွန်တော်တို့ကမ္ဘာ့ ခေါင်းဆောင် တွေနဲ့တွေ့ပြီးတော့ ရခိုင်ပြည်နယ်အရေး၊ရိုဟင်ဂျာအရေးကိုမကြာမကြာဆွေးနွေးရတယ်။ဂျနီဗာမှာလဲနိုင်ငံ တကာခေါင်းဆောင်တွေ နဲ့ဆွေးနွေးဖုိ့ကျွန်တော်သွားရတယ်။ (အဲဒီနေ့ကဂျနီဗာသို့အသွား ဂျာမဏီနိုင်ငံ ရောက်ရိုဟင်ဂျာများ၏ ဖိတ်ကြားချက်ကြောင့်ဖရန့်ဖတ်မြို့ကိုခဏ၀င်ပြီး ဂျာမဏီရောက် ရိုဟင်ဂျာမွတ်စ လင်၊ မြန်မာမွတ်စလင်တွေနဲ့တွေ့ဆုံခဲ့ခြင်းဖြစ်သည်။) အိမ်ဖြူတော်မှာလဲကျွန်တော် ရိုဟင်ဂျာအရေး နဲ့ပတ်သက်ပြီး မကြာမကြာ ဆွေးနွေးရတယ်။ ကျွန်တော်ပြောချင်တာက ဒီလိုကမ္ဘာ့ ခေါင်းဆောင်တွေ၊ အမေရိကန်နိုင်ငံရေးခေါင်းဆောင်တွေ၊ ပညာရှင်တွေနဲ့ဆွေးနွေးနေတဲ့ အကြောင်းအရာတွေဟာ မြန်မာနိုင်ငံကခွဲထွက်ပြီး ရိုဟင်ဂျာနိုင်ငံထူထောင်ဖို့၊ အစ္စလာမစ်နိုင်ငံထူထောင်ဖို့လို့ထင်နေကြတယ် ဆိုရင်လည်း ကျွန်တော်ဘာမှမတတ်နိုင်ဘူး။ ကျွန်တော်ဘာလဲ၊ ဘာလုပ်နေလဲ၊ ဘာလိုချင်နေလဲဆိုတာ အမေရိကန်အစိုးရမသိဘဲနေမလား။ ကျွန်တော့်မှာမရိုးသားမှုတစ်ခုခုရှိနေမယ်ဆိုရင်ဒီလူတွေနဲ့အချိန် အကြာကြီး ကျွန်တော်ပေါင်းသင်းဆက်ဆံလို့ရမလား။ ကျွန်တော်ရခိုင်ပြည်နယ်မှာ မွေးဖွားကြီးပြင်းလာ ခဲ့တယ်။ ရခိုင်ပြည်နယ်ကိုကျွန်တော်သံယောဇဉ်ရှိတယ်။ ရခိုင်ပြည်သူတွေကို တိုးတက်စေချင်တယ်။ ရခိုင်လူမျိုးတိုင်းဟာအစွန်းရောက်နေကြတာမဟုတ်ဘူး။ ရခိုင်ပြည်နယ်က မွတ်စလင်တချို့မှာလည်း အားနည်းချက်တွေရှိနေတယ်။ ရခိုင်ပြည်နယ်အတွင်း ခေတ်အဆက်ဆက် နေထိုင်လာကြတဲ့မွတ်စလင် အများစုကိုနိုင်ငံသားအဖြစ်အသိအမှတ်မပြုဘူး။ ခရီးသွားလာခွင့်မပြုဘူး။ ပညာရေး၊ ဘာသာရေး၊ အိမ်ထောင်ရေးအဖက်ဖက်ကချုပ်ခြယ်ထားတယ်။ ရခိုင်လူမျိုးတွေကော ရခိုင်ပြည်နယ်မှာဘာအခွင့် အရေးတွေရနေလို့လဲ။ ရခိုင်ပြည်နယ်ကပြည်သူတွေအတွက်ကျောင်းတွေလုံလောက်ရဲ့လား။ ဆေးရုံတွေ လုံလောက်ရဲ့လား။ အလုပ်အကိုင်အခွင့်အလမ်းတွေဖန်တီးပေးထားနိုင်ရဲ့လား။ ရခိုင်ပြည်နယ်ထဲ ကလူသားအရင်းအမြစ်တွေဖြစ်ကြတဲ့မွတ်စလင်လူငယ်တွေကိုရော၊ ဗုဒ္ဓဘာသာဝင်လူငယ်တွေကိုပါ ရခိုင် ပြည်နယ်ထဲကတနည်းနည်းနဲ့ထွက်သွားအောင်လုပ်ထားတာဟာ ရခိုင်ပြည်နယ်ကိုဒုက္ခ၀ဲဂယက်ထဲက ရုန်းမထွက်နိုင်အောင် စစ်အစိုးရယုတ်မာထားတယ်ဆိုတာကို ရခိုင်ပြည်နယ်ကို ချစ်မြတ်နိုးသူတိုင်းမြင် တတ်ဖို့လိုတယ်။
စစ်အစိုးရကရခိုင်ပြည်နယ်ကမွတ်စလင်တွေကိုပုံစံတစ်မျိုးနဲ့နှိမ်ထားတယ်။ရခိုင်လူမျိုးတွေကိုကျတော့ နောက် ပုံစံတစ်မျိုးနဲ့နှိပ်ကွပ်ထားတယ်။ဒါကိုသူတို့တွေမမြင်ကြဘူး။ရခိုင်ပြည်နယ်ကပြည်သူ၊ ပြည်သားတွေအတွက် အခြေခံလိုအပ်ချက်ဖြစ်တဲ့ကျောင်းတွေ၊ ဆေးရုံဆေးခန်းတွေရရှိလာအောင် နိုင်ငံတကာအဖွဲ့အစည်းတွေကို ကျွန်တော်တို့ပြောပေးတယ်။ ရခိုင်လူမျိုးခေါင်းဆောင်တွေက နိုင်ငံတကာ အဖွဲ့အစည်း တွေရဲ့အကူအညီတွေကို လက်မခံဘူးလို့ငြင်းပယ်နေတာဟာ အောက်ခြေကပြည်သူပြည် သားတွေကိုမသနားမညှာတာရာကျတယ်။ရ ခိုင်ပြည်သူပြည်သားတွေရဲ့ရှေ့ရေး အတွက်အစွန်းမရောက် ကြဘဲ၊ အမြင်ကျယ်ကျယ်နဲ့ဘာသာစွဲ၊ လူမျိုး စွဲတွေ ကိုအစွန်းမထွက်စေဘဲအားလုံးပူးပေါင်းပါဝင်ကြိုးစားမှ ရခိုင်ပည်နယ်ဆိုတဲ့ပန်းဥယျာဉ်ကြီးဟာ ဖြူ၊ နီ၊ညို၊ပြာပန်းပေါင်းစုံနဲ့ပွင့်လန်းဝေဆာလာမယ်ဆိုတာကို ကျွန်တော်ယုံကြည်နေတယ်။
ဒါကတော့ကျွန်တော့်ရဲ့မေးခွန်းတွေအပေါ် Dr. Wakar Uddin ရဲ့ဖြေကြားချက်တွေဖြစ်ပါတယ်။ စကားလုံး အသုံးအနှုန်းများလွှဲချော်ခဲ့မယ်ဆိုရင် ကျွန်တော့်ရဲ့အားနည်းချက်များသာဖြစ်ကြောင်းပြောကြားလိုပါတယ်။
SHARE THIS
