တစ်သိန်းခွဲအောက် ဖုန်းများအား ကန့် သတ် ရောင်းချမည်မဟုတ်

မိုဘိုင်းဖုန်းများအား ကျပ်တစ်သိန်းခွဲအောက်ဖြင့် အရေအတွက် အကန့် အသတ် မရှိ ရောင်း ချပေး မည်ဟု မြန်မာ့ ဆက်သွယ်ရေးမှ သိရသည်။ ''တစ်ယောက်ကို တစ်လုံး မ ဟုတ်ဘူး ဆယ်လုံးလောက် ယူချင်တယ် ဆိုလည်း ရောင်းပေးသွားမှာ ပါ။ အလုံးရေကန့်သတ်မထားဘူး။ ဒါပေမဲ့ ဖုန်းတစ်ခါရောင်းရင် ကတ် ထုတ်ပေးတာနဲ့ စာချုပ်လက်မှတ် ထိုးတဲ့ အချိန်တွေ ရှိတဲ့အတွက် အလုံးရေ ဘယ်လောက်ရောင်းနိုင်မယ်ဆို တာ မပြောနိုင်ပါဘူး'' ဟုမြန်မာ့ဆက်သွယ်ရေးလုပ်ငန်းမှမိုဘိုင်းအင်ဂျင်နီယာချုပ် ဦးဌေးဝင်း က ပြောသည်။ မြန်မာ့ဆက်သွယ်ရေးလုပ်ငန်း အနေဖြင့် ၂ဝ၁၂ ခုနှစ်တွင် ကျပ် နှစ်သိန်းတန် ဖုန်းများကို အရောင်း ဌာန တစ်ခုတွင် တစ်နေ့လျှင် အလုံးရေ ၁ဝဝ ခန့် သာ ကန့်သတ်ရောင်း ချခဲ့သည်။ ဖုန်းများ ရောင်းပေး ရာတွင် မြန်မာ့ဆက်သွယ်ရေးရုံးများအပြင် ဆက်သွယ်ရေးနှင့် ပူးပေါင်းလုပ်ကိုင်ဆောင် ရွက်သည့် ပုဂ္ဂလိက ကုမ္ပဏီများကိုပါ ရောင်းချခွင့်ပေးသွားမည်ဖြစ်ပြီး အရောင်းဌာန အများအပြား ဖွင့်လှစ်ရောင်း ချပေးမည် ဖြစ်၍ ယခင်လို ဖုန်း ဝယ်၍မရသည့် အခြေအနေများ မရှိနိုင်ကြောင်း အဆိုပါ ပုဂ္ဂိုလ် က ပြော သည်။
''သုံးစွဲသူတွေ လွယ်လွယ်ကူ ကူဝယ်နိုင်မှာပါ''ဟု ၄င်းက ပြောသည်။ လက်ရှိတွင် မြန်မာ့ ဆက်သွယ် ရေး လုပ်ငန်းအနေဖြင့် ကျပ်တစ်သိန်း ခွဲအောက် တန်ဖိုးရှိသည့် မိုဘိုင်း ဖုန်းများအား လာမည့်ဇန်နဝါရီလ အမီရောင်းချနိုင်ရေးအတွက်ဆောင်ရွက်နေပြီး ၄င်းနှင့်အတူ ZTE, Huawei, ASP နှင့် ရတနာ ပုံတယ်လီ ပို့တို့မှ ပူးပေါင်းဆောင် ရွက်လျက်ရှိကြောင်း သိရသည်။ မြန်မာ့ဆက်သွယ်ရေးမှ မိုဘိုင်း ဖုန်း ရောင်း ချပေးခြင်းနှင့်ပတ်သက်၍ မင်္ဂလာတောင်ညွန့်မြို့ နယ်King Star ဖုန်း ဆိုင်ပိုင်ရှင် တစ်ဦးက ''လွယ်လွယ်ကူကူ တစ်ဆင့်ပြန်ဝယ်ပြီး ရောင်းချခွင့်ရရင် တော့ ဈေးပိုတင်ပြီး ရောင်းချဖို့ မရှိပါ ဘူး။ နှစ်သိန်းဖုန်းတွေလို လွယ်လွယ်နဲ့ ဝယ်မရရင်တော့ ဈေးတင်ရောင်းမှာပါ''ဟု၎င်းက သူ့အမြင် ကိုပြော သည်။
AF Ijournal

SHARE THIS
Previous Post
Next Post