အကျဉ်းထောင်တွေထဲမှာ ကျန်သေးတဲ့ နိုင်ငံရေးအကျဉ်းသား ၁ဝဝ ကျော်ကို ရှစ်လေးလုံး ၂၅ နှစ်ပြည့်မတိုင်မီ အားလုံး ပြန်လွှတ်ပေးဖို့ မြောက်ဒဂုံမြို့နယ်၊ သီရိအောင်မြေကျောင်းတိုက် ဆရာတော် ဦးရက္ခဝံသက ရန်ကုန်မြို့လယ် မြို့တော်ခန်းမရှေ့မှာ ဒီကနေ့ တကိုယ်တော် ဆန္ဒပြတောင်းဆိုခဲ့ပါတယ်။
ဆရာတော် ဦးရက္ခဝံသဟာ ၁၉၈၈ ခုနှစ် ဒီမိုကရေစီ အရေးတော်ပုံအတွင်း ရခိုင်ပြည်နယ် စစ်တွေမြို့ ဒီမိုကရေစီအရေးမှာ လူဘဝနဲ့ ပါဝင်ခဲ့တာကြောင့် အဖမ်းခံခဲ့ရပြီး သေဒဏ်ပြစ်ဒဏ်ချမှတ်ခံခဲ့ရပါတယ်။ ဒီနေ့အချိန်ဟာ အားလုံးညီညွှတ်ရေး ကာလရောက်နေပြီဖြစ်တာကြောင့် နိုင်ငံရေး အကျဉ်းသားတွေ မရှိသင့်တော့ဘူးလို့ ဆရာတော်ရက္ခ၀ံသက မိန့်ပါတယ်။
ဆရာတော် မြို့တော်ခန်းမရှေ့မှာ အစာငတ်ခံဆန္ဒပြနေစဉ်မှာ ပန်းပဲတန်းမြို့နယ်၊ မဟာသိမ်တော်ကြီးကျောင်းတိုက်က တိုင်းသံဃာ့နာယက ဆရာတော်ကခေါ်ယူပြီး ဆန္ဒပြတာ ဆက်မလုပ်ဖို့အတွက် သြဝါဒမိန့်ကြားခဲ့ကြောင်း သိရပါတယ်။
ဆရာတော် ရက္ခ၀ံသဟာ ၁၉၉၇ ခုနှစ်မှာ သာယာဝတီထောင်ကနေ အစိုးရ လွတ်ငြိမ်းချမ်းသာခွင့်အမိန့်နဲ့ ပြန်လည်လွတ်မြောက်လာခဲ့ပြီး သာသနာ့ဘောင်ကို ဝင်ရောက်ခဲ့ပါတယ်။ ၂ဝဝ၇ ခုနှစ် ရွှေဝါရောင် သံဃာ့အရေးအခင်းမှာ ပါဝင်ခဲ့ပြီးနောက် ထိုင်းနိုင်ငံမှာ သွားရောက်နေထိုင်ခဲ့ပြီး ၂ဝ၁၁ ခုနှစ်မှာ အစိုးရက ပြည်ဝင်ခွင့်ပေးခဲ့တာကြောင့် မြန်မာနိုင်ငံကို ပြန်လည်ရောက်ရှိလာခဲ့တာဖြစ်ပါတယ်။