ရခိုင်ပြည်နယ်၊ မင်းပြားမြို့နယ်တွင် မတ်လ ၂၆ ရက်နေ့က ငါးရှာနေသည့်ဒေသခံတစ်ဦး ဓားဖြင့်ခုတ်ခံရ၍ ဦးခေါင်းတွင် ဒဏ်ရာရရှိသွားခဲ့သဖြင့် ဆေးရုံတင်လိုက်ရသည်ဟု မင်းပြားမြို့နယ် ရဲတပ်ဖွဲ့မှူးရုံးက အတည်ပြုပြောကြားသည်။
“ဦးခေါင်းရဲ့ ဘယ်ဘက်နောက်စေ့မှာ အလျား ၅ စင်တီမီတာနဲ့ အနက် ၂ စင်တီမီတာလောက် ပြတ်ရှဒဏ်ရာရသွားလို့ ၁၄ ချက်လောက်ချုပ်ရပါတယ်။ အခုတော့ မင်းပြားဆေးရုံမှာ ဆေးကုသမှုခံယူနေပါတယ်။ ဒဏ်ရာတော့ မစိုးရိမ်ရပါဘူး” ဟု မင်းပြားမြို့မရဲစခန်းမှ ဒုတိယစခန်းမှူး ရဲအုပ်စိန်ထွန်းဦးက ဆိုသည်။
ယခုဒဏ်ရာရသူမှာ မင်းပြားမြို့နယ်၊ ဆင်ကြီးပြင်(ရခိုင်)ရွာမှ အသက် ၆ဝ နှစ်အရွယ် ဦးစောသိန်းအောင်ဖြစ်သည်။
သူသည် မတ်လ ၂၆ ရက်နေ့ နံနက် ၁၁ နာရီခန့်က ဆင်ကြီးပြင်(ဘင်္ဂါလီ)ရွာအနောက်ဘက်တွင် ကဏန်းရှာ၍ ရလာသည့်ကဏန်းများကို ကြိုးများဖြင့်ချည်နှောင်နေစဉ် ဆင်ကြီးပြင်(ဘင်္ဂါလီ)ရွာမှ အသက် ၁၄ နှစ်အရွယ် မာမောက်ဂျူဘီက နောက်ကျောမှနေ၍ ဓားဖြင့်ခုတ်ခဲ့ခြင်းဖြစ်ကြောင်း ရဲအုပ်က ပြောသည်။
“ဓားနဲ့ခုတ်တဲ့ ဘင်္ဂါလီကောင်လေးကိုလည်း ကျွန်တော်တို့ သက်သေခံပစ္စည်းနဲ့အတူ ဖမ်းဆီးရမိထားပါပြီ။ ဘာကြောင့် ခုတ်သလဲဆိုတာကို အခု စုံစမ်းစစ်ဆေးမှုတွေလုပ်နေပြီဖြစ်ပါတယ်”ဟု အထက်ပါ စခန်းမှူးက ဆက်ပြောသည်။
ပြီးခဲ့သည့် မတ်လ ၂၄ ရက်နေ့ကလည်း အလားတူဖြစ်ရပ်မျိုးဖြစ်ပွားခဲ့သည့်အတွက် ပုဏ္ဏားကျွန်းမြို့နယ်၊ ကန်စွန်းချောင်းကျေးရွာမှ အသက် ၄၁ နှစ်အရွယ်ဒေသခံတစ်ဦးသေဆုံးသွားခဲ့ကြောင်း သဲတက်ရဲစခန်းမှ စခန်းမှူး ရဲအုပ်ခင်မောင်ဇော်က အတည်ပြုပြောထားသည်။
From - Narinjara