ဘင်္ဂလားပင်လယ်အော် တွင် မုတ်သုံလေအားအလွန် ကောင်းလာသောကြောင့် ရေ ဘေးရင်ဆိုင်ခဲ့ရသည့် ဒေသများ အပါအ၀င် ပြည်နယ်နှင့် တိုင်း ဒေသကြီး ခုနစ်ခု၌ တစ်ပတ်ခန့် ကြာအောင် နေရာကွက်၍ မိုးကြီး နိုင်သည်ဟု မိုးလေ၀သနှင့် ဇလ ဗေဒညွှန်ကြားမှုဦးစီးဌာနက သတင်းထုတ်ပြန်ထားသည်။
ဇူလိုင် ၁၆ မှ ၁၄ ရက်အတွင်းဇွနလကုန်ခန့်က ရေဘေးအဆိုး ရွားဆုံးရင်ဆိုင်ခဲ့ရသည့် ရခိုင်ပြည်နယ်အပြင် ရှမ်း၊ ကချင်၊ ချင်း၊ မွန်၊ ကရင်၊ ကယားပြည်နယ်နှင့် စစ်ကိုင်းတိုင်းအထက်ပိုင်း၊ ပဲခူး တိုင်း၊ တနင်္သာရီတိုင်းဒေသကြီး တို့တွင် နေရာကွက်၍ မိုးကြီးမည် ဟု သတင်းထုတ်ပြန်ထားခြင်းဖြစ် သည်။
‘‘မုတ်သုံလေက နေ့စဉ်အား ပို ကောင်းလာတယ်။ ကမ်းရိုးတန်း ဒေသတွေလည်း လေပြင်းသတိ ပေးချက်ထုတ်ထားတယ်’’ဟု မိုး လေ၀သနှင့် ဇလဗေဒညွှန်ကြားမှု ဦးစီးဌာန ဒုတိယညွှန်ကြားရေးမှူး ဦးလှထွန်းကပြောသည်။လက်ရှိတွင် ရခိုင်၊ မွန်ပြည်နယ်၊ တနင်္သာရီတိုင်းနှင့် ဧရာဝတီတိုင်းဒေသကြီး ကမ်းရိုးတန်းဒေသများတွင် မိုးရောလေပါ ပြင်းထန်နေပြီး ဒေသအချို့ရေလွှမ်းမိုးမှု စတင်ရင်ဆိုင်နေရသည်ဟု ဒေသခံများထံမှ သတင်းရရှိသည်။ ကချင်ပြည်နယ်တွင်လည်း မိုးသည်းထန်စွာ ရွာသွန်းနေ၍ ဖားကန့်မြို့ရပ် ကွက်လေးခုနှင့် အနီးဝန်း ကျင်ကျေးရွာ များမှာ ငါးပေခန့်အထိ ရေနစ်မြုပ်နေသည်ဟု ကချင်ပြည်နယ်အစိုး ရအဖွဲ့မှ သတင်းရရှိသည်။
မြစ်ရေသတိပေးချက်မှာ ဇူ လိုင် ၆ ရက် ညနေတိုင်းတာချက် များအရ ဧရာဝတီမြစ်ရေသည်မြစ်ကြီးနားမြို့တွင် နှစ်ပေခန့် မြင့်တက်ခဲ့ပြီး ချင်းတွင်းမြစ်ရေ သည် ခန္တီး၊ ဟုမ္မလင်း၊ မော်လိုက်၊ ကလေးဝနှင့် မုံရွာမြို့တို့တွင် နှစ်ပေခန့်တက်ခဲ့သည်ဟု ဦးလှထွန်း က ပြောသည်။
မြန်မာ့ကမ်းရိုးတန်းဒေသ များတွင် တစ်နာရီလေတိုက်နှုန်း သည် ၃၅ မိုင်မှ မိုင် ၄၀ ခန့် အထိတိုက်ခတ်နိုင်ပြီး နေရာ ကွက်ပြီး မိုးကြီးခြင်း၊ မိုးသက်လေပြင်းကျ ရောက်ခြင်း၊ ပင်လယ်ပြင်တွင် ရာသီဥတုအခြေအနေဆိုးရွား တတ်ခြင်းတို့ကို သတိထားသင့် သည်ဟု ဦးလှထွန်းကပြောကြားသည်။
http://www.7daydaily.com/story/41248
Author: မာရုသူရ
Related Posts
Some simillar article from this label, you might also like
- Blog Comments
- Facebook Comments
Subscribe to:
Post Comments (Atom)