ဒေ၀ူးကုမ္ပဏီ ဓာတ်ငွေ့ သန့်စင် စက်ရုံကြောင့် လယ်မြများပျက်စီးသွားသဖြင့် လျော်ကြေးပေးရန် လယ်သမား ၃၀၀ ခန့်က ဆန္ဒပြ တောင်းဆိုပြီးနောက် ဒေ၀ူး ကုမ္ပဏီက လယ်သမားများကို နစ်နာကြေးများ ပေးအပ်ခဲ့သည်ဟု သတင်း ရရှိသည်။
လယ်မြေပျက်စီး မှု ဖြေရှင်းရေး သဘောတူ စာချုပ် ချုပ်ဆိုပွဲ အခမ်းအနားကို ဇူလိုင်လ ၁၀ ရက်နေ့က ကျောက်ဖြူမြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် ပြုလုပ်စဉ် ယင်းနစ်နာကြေးများကို ပေးအပ်ခဲ့ခြင်း ဖြစ်သည်။
လယ်တစ်ဧကလျှင် ပြုပြင်ခ ကျပ်ငွေသိန်း၂၀ နှင့် ဆောင်းသီးနှံ (၃) နှစ်အတွက် ကျပ်ငွေ ၈သိန်း ပေးအပ်ခဲ့ကြောင်း ဒေသခံ လယ်သမားတစ်ဦးဖြစ်သူ ဦးမောင်ဝေခင် ကပြောသည်။
ပျက်စီးလယ်မြေ အတွက် ဓာတ်မြေသြဇာနှင့် မျိုးစပါးတွေကို ဒေ၀ူးကုမ္ပဏီမှ ထပ်မံပေးသွားမည် တာဝန်ရှိသူများက ပြောဆိုကြောင်း သူက ဆက်လက်ပြောဆိုသည်။
“ ဒီနေ့မြေယာပျက်စီးမှုအတွက် သဘောတူစာချုပ်ချုပ်ဆိုပြီး ကုမ္ပဏီတာဝန်ရှိသူတွေက လယ်မြေပြုပြင်ခနဲ့ ဆောင်းသီးနှံ နစ်နာကြေး ပေးတယ်။ နောက်ထပ် မြေယာပျက်စီးမှု ဖြစ်ပေါ်လာရင်လည်း ကုမ္ပဏီမှ ပြန်လည်ဖြေရှင်းပေးမယ်ဆိုပြီး သဘောတူတယ်” ဟု ဦးဝေခင်က ဆိုသည်။
ဓာတ်ငွေ့သန့်စင် စက်ရုံအနီး တ၀ိုက်တွင် စက်ယန္တရားများ သွားလာ အသုံးပြုခြင်းကြောင့် လယ်သမား (၇၀)ခန့် ပိုင်ဆိုင်သော မလကျွန်းရွာ၊ ဂုံးချိန်ရွာမှ ကွင်းအမှတ်(၄၅၄)၊ (၄၅၆)၊(၄၅၇)ရှိ လယ်မြေဧက ၆၀ကျော် ပျက်စီးသွားခဲ့သည်။
ပျက်စီးသွားသော လယ်ယာမြေများအား လျော်ကြေး ပေးရန်အတွက် ဇွန်လ၃ရက်နေ့က ဒေ၀ူးကုမ္ပဏီအား ဒေသခံ လူပေါင်း ၃၀၀ခန့် ဆန္ဒဖော်ထုတ်ခဲ့ကြသည်။ယင်းနောက်ပိုင်းတွင် ယခုလို နစ်နာကြေးများကို ဒေ၀ူးကုမ္ပဏီက ပေးအပ်လာခြင်း ဖြစ်သည်။
From-Narinjara
Author: မာရုသူရ
Related Posts
Some simillar article from this label, you might also like
- Blog Comments
- Facebook Comments
Subscribe to:
Post Comments (Atom)