ဘင်္ဂလာဒေ့ရ်ှနိုင်ငံ စစ်တကောင်းတောင်တန်းနယ် ဘင်ဒရိုဘင်ခရိုင်၊ တန်းဆိပ်မြို့နယ်တွင် တည်ရှိသော မော်တုတ်ကြီး ဘင်္ဂလာဒေ့ရှ် နယ်ခြားစောင့်တပ်စခန်းကို ရက္ခိုင့်တပ်မတော် တပ်ဖွဲ့ဝင် တချို့မှ သြဂုတ်လ ၂၆ ရက်နေ့ နံနက်က ၀င်ရောက် ပစ်ခတ်သွားခဲ့သည်ဟု သတင်း ရရှိသည်။
“ ကျွန်တော်တို့ သတင်းရတာက ရက္ခိုင့်တပ်မတော်က ရိက္ခာသယ်ယူနေတဲ့ မြင်း ၁၆ ကောင်ကို ဘင်္ဂလာ နယ်ခြားစောင့်တပ် ဘီဂျီဘီက ဖမ်းသွားတယ်လို့ ကြားတယ်။ ဒါကို မကျေနပ်တဲ့ အတွက် ဒီနေ့မနက်က မော်တုတ်ကြီး ဘီဂျီဘီ စခန်းကို ရက္ခိုင့်တပ်မတော်က ၀င်ပစ်တယ်လို့ ကြားရပါတယ်” ဟု ရုံမော်ကျေးရွာက ဦးမောင်ထွန်းသိန်းက နိရဉ္စရာသို့ ပြောကြားသည်။
တိုက်ပွဲအတွင်း ဘင်္ဂလာဒေ့ရှ် နယ်ခြားစောင့်တပ်ဖွဲ့မှ တပ်ဖွဲ့ တစ်ဦး ဒဏ်ရာ ရရှိကြောင်း၊ ဒဏ်ရာရသူမှာ တပ်သားအဆင့်ရှိ ‘Zakir’ ဖြစ်ကြောင်း ဘင်္ဂလာဒေ့ရှ် တာဝန်ရှိသူများက မီဒီယာများသို့ အတည်ပြုပြောကြားသည်ဟု သိရသည်။
ဒေသခံများကမူ ဘင်္ဂလာဒေ့ရှ် နယ်ခြားစောင့် တပ်သား နှစ်ဦး ကျဆုံးသည်ဟု သတင်းရကြောင်း ပြောကြားသည်။
“ ကျွန်တော်တို့ ကြားရတာက ဒီဘင်္ဂလာဘက်က နှစ်ယောက်ကျတယ်လို့ ကြားရပါတယ်။ ဒီနေ့ တစ်နေ့လုံး ဘင်္ဂလာစစ်တပ်က ရဟတ်ယာဉ်တွေ ခေါက်တုန့် ခေါက်ပြန် ပျံနေတာကို တွေ့ရပါတယ်။ စစ်သားတွေကို ပို့နေတယ်လို့ သိရပါတယ်” ဟု ဦးမောင်ထွန်းသိန်းက ပြောကြားသည်။
ရက္ခိုင့်တပ်မတော်နှင့် ဘင်္ဂလာဒေ့ရှ် နယ်ခြားစောင့်တပ်ဖွဲ့တို့ အကြား တိုက်ပွဲ ဖြစ်ပွားသည်ကို နိရဉ္စရာ အနေဖြင့် အတည်ပြုနိုင်သော်လည်း ဘင်္ဂလာဒေ့ရ်ှနယ်ခြားစောင့်တပ်သား နှစ်ဦးသေဆုံးမှုကို နိရဉ္စရာ အနေဖြင့် ယခု အချိန်ထိ အတည်ပြုနိုင်ခြင်းမရှိပါ။
၎င်းအပြင် မော်တုတ်ကြီး၊ မော်တုတ်ချေ၊ ပတ်ဝန်းကျင်မှ ရက္ခိုင့်တပ်မတော်နှင့် အဆက်အသွယ်ရှိသူ ဒေသခံ ဘင်္ဂလာဒေ့ရ်ှနိုင်ငံသား ကျေးရွာသားများကို ဘင်္ဂလာစစ်တပ်က ဖမ်းဆီးထားသည်ဟု သတင်းများလည်း ထွက်ပေါ်နေသည်ဟု အမည် မဖော်လိုသူ ဘင်ဒရိုဘင် ဒေသခံ တစ်ဦးက ပြောသည်။
ယခု တိုက်ပွဲ ဖြစ်ပွားရာ မော်တုတ်ကြီးကို ဘင်္ဂလာအစိုးရက ဘော်ရို မော်တုတ်ဟု ခေါ်ပြီး ရခိုင်/ မာရမာများ နေထိုင်သော ကျေးရွာတစ်ရွာ ဖြစ်သည်။ ယင်းရွာသည် ရီကြိုင်ချောင်း ( ဆင်ကူးရီဗာ) အဖျားပိုင်းတွင် တည်ရှိပြီး ကျောက်တော်မြို့နယ် အနောက်ပိုင်းနှင့် ဘူးသီးတောင်မြို့နယ် မြောက်ပိုင်းဒေသများနှင့် ဆက်စပ် တည်ရှိသည်။
From-Arakan State
အာဆီယံလူငယ်အဖွဲ့ အစည်း(မြန်မာ)မှ မင်းပြားရေဘေးသင့်ပြည်သူများအား စားနပ်ရိက္ခာနှင့် ဆေးဝါးများ ကိုယ်တိုင်သွားရောက် ကူညီထောက်ပံ
(သြဂုတ်လ ၂၆ ၊ မင်းပြား)
မင်းပြားအခြေစိုက် `ဇ´ဖောင်ဒေးရှင်း၏ စီစဉ်ကူညီမှုဖြင့် ရန်ကုန်အခြေစိုက် အာဆီယံလူငယ်အဖွဲ့ အစည်း(မြန်မာ)မှ ရခိုင်ပြည်နယ် ၊ မင်းပြားမြို့ နယ်ရှိ ရေဘေးသင့်ကျေးရွာများသို (၂၅-၈-၂၀၁၅)နေ့ က ကိုယ်တိုင်သွားရောက်ကာ ကျပ်သိန်း ၅၀၀၀၀၀၀ ကျော်တန်ဖိုးရှိ စားနပ်ရိက္ခာနှင့် ဆေးဝါးများ ကူညီထောက်ပံ့နိုင်ခဲ့ကြောင်း သိရသည်။
မင်းပြားမြို့ နယ်သည် ရေဘေးဒဏ်အဆိုးဝါးဆုံး ခံစားခဲ့ရသည့် မြို့ နယ်များအနက် တစ်မြို့  အဝါအဝင်ဖြစ်ခဲ့ပြီး ရေအမြင့်ပေအများဆုံးတက်ရောက်ခဲ့သော ကျေးရွာများဖြစ်သည့် `တံခွန်တိုင် ၊ ချင်းဆိပ် ၊ တောတန်း ၊ ဒုံကြီးရွာများသို့  အဓိကထား၍ သွားရောက်လှူဒါန်းနိုင်ခဲ့ကြောင်း အာဆီယံလူငယ်အဖွဲ့ အစည်းမှ ကိုခိုင်မင်းသန်းက ပြောကြားသည်။
အဆိုပါကျေးရွာများတွင် ရေကြီးမှုကြောင့် ရေအမြင့်ပေ ၁၂ ပေကျော်ခန့်  ထိတက်ခဲ့ကြောင်း တင်ကျန်ရစ်ခဲ့သည့် နှုန်းနှင့် ရွံ့  များကို မကြုံစဖူးမြင်တွေ့  ခဲ့ရပြီး အဆိုပါကျေးရွာနေ လူအများစှမှာ ဆင်းရဲနွမ်းပါးခြင်းကြောင့် ခရီးစဉ်အဖြစ် ရွေးချယ်ခဲ့ခြင်းဖြစ်ကြောင်း
လမ်းကြောင်းရွေးချယ်၊ကူညီစီစဉ်ပေးခဲ့သည့် `ဇ´ဖောင်ဒေးရှင်းမှ ကိုကောင်းမြတ်ကျော်က ပြောကြားသည်။
ထို့ နောက် အာဆီယံလူငယ်အဖွဲ့အစည်းမှ ရေဘေးသင့်ခဲ့သည့် တံခွန်တိုင်ကျေးရွာအား ဆန်အိတ် ကြီး၂၀၊ ငယ် ၁၁ အိတ်ကို လည်းကောင်း ၊ ဆီ ၁ လီတာပါ ၁၄၂ ဗှူးကို လည်းကောင်း ၊ ရေသန့်  ၁ လီတာပါ ဗူး ၅၅၆ ကိုလည်းကောင်း ၊ ခေါက်ဆွဲထုပ် ၊ ငပိထောင်း ၊ ဆပ်ပြာ ၊ လက်ဖက် ၊ အဝတ်အထည် ၊ ငခြောက်ကြော် ၊ ဓာတ်ဆား ၊ ဆား နှင့် ဆေးဝါးများကို လည်းကောင်း ပေးအပ်လှူဒါန်းခဲ့ပြီး အုပ်ချုပ်ရေးမှူးဖြစ်သူ ဦးအောင်မြင့်ကျော်က လက်ခံရယူနိုင်ခဲ့ကြောင်း သိရသည်။
ထို့ နောက်တွင် အာဆီယံ - လူငယ်အဖွဲ့အစည်းနှင့် `ဇ´ဖောင်ဒေးရှင်းတို့  အဖွဲ့ သည် မင်းပြားမြို့  နယ် ၊ သတိုးအုပ်စု ၊ ချင်းဆိပ် ကျေးရွာသို့  ရောက်ရှိခဲ့ပြီး ဆန်အိတ်ငယ် ၈၈ အိတ်ကိုလည်းကောင်း ၊ ရေသန့်ဗှူး ၅၀၀ ကျော်ကိုလည်းကောင်း ၊ ခေါက်ဆွဲထုပ် ၊ ငပိထောင်း ၊ ဆပ်ပြာ ၊ လက်ဖက် ၊ အဝတ်အထည် ၊ ငခြောက်ကြော် ၊ ဓာတ်ဆား ၊ ဆား နှင့် ဆေးဝါးများကို လည်းကောင်း ပေးအပ်လှူဒါန်းရာ ချင်းဆိပ်ကျေးရွာမှ အုပ်ချုပ်ရေးမှူးဖြစ်သူ ဦးဦးရွှေသိန်းမှ လက်ခံရယူခဲ့ကြောင်း သိရသည်။
ထို့နောက် အခြားကျေးရွာများဖြစ်ကြသော တောတန်း နှင့် ဒုံကြီးကျေးရွာများသို့  လည်း လူဦးရေ ၊ အိမ်ထောင်စုအလိုက် အလှူပစ္စည်းများ ခွဲဝေပေးထားနိုင်ခဲ့ကြောင်း သိရသည်။
မင်းမြတ်ခိုင်
(လေးမြို့ သတင်းမီဒီယာ)
ရခိုင်ဂီတအစည်းအရုံး(ယာယီ)မှ မင်းပြားမြို့နယ်ရှိ ရေဘေးသင့် ပြည်သူများအား လာရောက် ကူညီထောက်ပံ့
ံ
မင်းပြား (သြဂုတ် ၂၅၊ ၂၀၁၅)
ရခိုင်ပြည်၊ မင်းပြားမြို့နယ်ရှိ ရေးဘေးသင့် ပြည်သူများအတွက် ရခိုင်ဂီတအစည်းအရုံး (ယာယီ)မှ အစားအစာ ရိက္ခာနှင့် ထောက်ပံ့ငွေ ပေးအပ်ပွဲအခမ်းအနားကို (၂၃-၈-၂၀၁၅) ရက်နေ့ ညနေ (၄) နာရီ အချိန်ခန့်က မင်းပြားမြို့၊ မြို့နယ်ဓမ္မာရုံကြီးအတွင်း၌ ကျင်းပပြုလုပ်ခဲ့သည်ဟု သိရသည်။
ရခိုင်ဂီတအစည်းအရုံး (ယာယီ) မှ အထွေထွေအတွင်းရေးမှူး(၁) အဆိုတော် ခိုင်ကျော်လင်းက ယခု ရေဘေးသင့် ပြည်သူများသည် မိမိတို့ ရခိုင်ဂီတ၏ ပရိတ်သတ်များ ဖြစ်သောကြောင့် မိမိတို့ ပရိတ်သတ်များ ဒုက္ခရောက်နေချိန်တွင် မိမိတို့ တတ်စွမ်းနိုင်သည့်ဖက်မှ တတ်နိုင်သလောက် ကူညီထောက်ပံ့ပေးနိုင်ရန်အတွက် (၁၇-၈-၂၀၁၅) ရက်နေ့က စစ်တွေမြို့ ဦးဥတ္တမ ခန်းမတွင် ဂီတဖျော်ဖြေပွဲပြုရာ ကျပ်သိန်း (၂၂၀) ရရှိခဲ့ကြောင်း၊ ထိုငွေများကို ရေဘေးဒဏ် အများဆုံးခံစားခဲ့ရသော မင်းပြား၊ မြောက်ဦး၊ ပုဏ္ဏားကျွန်း ယိုးတရုတ်ရွာအနီး တြိဂံနယ်မြေနှင့် ဘူးသီးတောင်မြို့နယ်များရှိ ရေဘေးသင့်ပြည်သူများအား ကူညီထောက်ပံ့ပေးသွားမည်ဖြစ်ကြောင်း" အမှာစကား ပြောကြားခဲ့သည်ဟု သိရသည်။
ထို့နောက် မင်းပြားမြို့နယ်ရှိ ရေဘေးဒဏ်ခံစားခဲ့ရသော ရွာ (၁၁)ရွာအတွက် ဆန်နှင့် ရေသန့်များကို လည်းကောင်း၊ မင်းပြားမြို့နယ် ရေဘေးဒဏ်ကြောင့် သေဆုံးသွားသည့် လူ (၁၄) ဦးအတွက် တစ်ဦးလျှင် ကျပ် (၁)သိန်းစီလည်းကောင်း ရခိုင်ဂီတအစည်းအရုံး (ယာယီ) မှ ရခိုင်ဂီတ အနုပညာရှင်များက ပေးအပ်ကာ သက်ဆိုင်သူများက လက်ခံရယူခဲ့သည်ဟု သိရသည်။
ယင်းနောက် ဤအခမ်းအနား ဖြစ်မြောက်အောင်နှင့် ရေဘေးသင့် ပြည်သူများအား ထောက်ပံ့နိုင်ရေးအတွက် ပူးပေါင်း ကူညီပေးသော မင်းပြားမြို့ "ဇ" ဖောင်ဒေးရှင်းအား ရခိုင်ဂီတအစည်းအရုံး (ယာယီ) မှ ငွေကျပ် (၁) သိန်း ပေးအပ်ခဲ့သည်ဟု သိရသည်။
"ကျွန်တော်တို့ ရခိုင်ဂီတအစည်းအရုံး (ယာယီ) က မင်းပြားမြို့နယ် ရေဘေးသင့် ပြည်သူတွေအတွက် ဆန်၊ ရေသန့် ထောက်ပံ့ငွေအပါအဝင် ငွေကျပ်သိန်း (၄၀) ထောက်ပံ့ပေးနိုင်ခဲ့ပါတယ်။ မြောက်ဦးမြို့နယ် ရေဘေးသင့် ပြည်သူတွေအတွက်လည်း ငွေကျပ်သိန်း (၄၀) တန်ဖိုးရှိ ထောက်ပံ့ပစ္စည်းတွေကို ဒီနေ့ နေ့လည်က မြောက်ဦးမြို့မှာ ထောက်ပံ့ပေးနိုင်ခဲ့ပါတယ်။ ကျန်တဲ့ ပုဏ္ဏားကျွန်း ယိုးတရုတ်ရွာအနီး တြိဂံနယ်မြေနှင့် ဘူးသီးတောင်မြို့နယ်များရှိ ရေဘေးသင့်ပြည်သူများအား ဆက်လက် ထောက်ပံ့ပေးဖို့ စီစဉ်နေပါတယ်" ဟု ရခိုင်ဂီတအစည်းအရုံး (ယာယီ) မှ အထွေထွေအတွင်းရေးမှူး(၁) အဆိုတော် ခိုင်ကျော်လင်းက ပြောသည်။
ထို့နောက် ရခိုင်ဂီတအစည်းအရုံး (ယာယီ) မှ ထောက်ပံ့ပေးခဲ့သော ဆန်နှင့် သောက်ရေသန့်များကို မင်းပြားမြို့နယ်ရှိ ရေဘေးသင့်ရွာများ ဖြစ်သော င/တက်၊ ကျောက်မော်၊ ပြိုင်းချောင်း၊ အိုးပုံတောင်၊ တောင်ပုက္ကေ၊ ညောင်ခြုံ၊ ငန်းတက်၊ စိတ္တရ၊ င/ရမ၊ မြင်းတင်မ၊ ဒုံးသား စသော ရွာ (၁၁) ရွာအား "ဇ" ဖောင်ဒေးရှင်းမှ လူငယ်များက စနစ်တကျ ခွဲဝေပေးခဲ့ကြကြောင်း သိရပါသည်။
From-မင်းပြား - သတင်း
မင်းပြားမြို့၌ ရေကန်အတွင်း ရေညစ်များ စုပ်ထုတ်ရာမှ စတူပါ ကျောက်စေတီငယ် တစ်ဆူ တွေ့ရှိ
မင်းပြား (သြဂုတ် ၂၁၊ ၂၀၁၅)
ရခိုင်ပြည်၊ မင်းပြားမြို့၌ ရေကန်အတွင်း ရေညစ်များ စုပ်ထုတ်ရာမှ (၂၁-၈-၂၀၁၅) ရက် နေ့က စတူပါ ကျောက်စေတီငယ် တစ်ဆူတွေ့ရှိခဲ့ကြောင်း သတင်းရရှိပါသည်။
မင်းပြားမြို့၌ ထူးကဲဒီရေမြင့်တက်ပြီး ရေကန်များအားလုံးလိုလို ရေဆိုးရေညစ်များ ဝင်ရောက်သွားသည့်အတွက် အဆိုပါ ရေကန်များမှ ရေဆိုးရေညစ်များကို ရေစုပ်စက်များဖြင့် စုပ်ထုတ်လျှက် ရှိကြရာ မင်းပြားမြို့၊ ဈေးဟောင်းပိုင်းရပ်ကွက်၊ မြို့မဘောလုံးကွင်းကြီး အနီးး၊ အထက(ခွဲ)လ-၁ ကျောင်းဘေး၊ ပုဏ္ဏားကန်မှ ထို စတူပါ ကျောက်စေတီငယ်ကို တွေ့ရှိခဲ့ခြင်းဖြစ်ကြောင်း သိရသည်။
"ရန်ကုန်မြို့ ပရဟိတ လူငယ်ကွန်ယက်နဲ့ မင်းပြားမြို့ Public Centre (PC) တို့ ပူးပေါင်းပြီးတော့ ဒီရေကန်က ရေဆိုးရေညစ်တွေကို စုပ်ထုတ်နေတာ ဒီနေ့ (၂၁-၈-၂၀၁၅) ရက်နေ့ နံနက် (၉း၃၀) နာရီ အချိန်လောက်က ဒီ စတူပါ ကျောက်စေတီငယ်ကို ရေကန် မြေကြီးထဲက တူးဖော်တွေ့ရှိခဲ့တာ ဖြစ်ပါတယ်" လို့ မင်းပြားမြို့၊ ဈေးဟောင်းပိုင်း ရပ်ကွက်မှ ဦးလှမောင်သန်းက ပြောသည်။
"ပုဏ္ဏားကန်" ဟု ခေါ်ဆိုခြင်းမှာ ရှေးရခိုင်ဘုရင်များလက်ထက်က ပုဏ္ဏားများ တူးဖော်ခဲ့သော ရေကန်ဖြစ်၍ ယနေ့ထိ ပုဏ္ဏားကန်ဟု ခေါ်တွင်နေကြောင်း အဆိုပါ ရေကန်အနီးနေထိုင်သော အသက် (၇၀)ကျော် အဘိုးအိုတစ်ဦး ပြောပြချက်အရ သိရပါသည်။
"ဒီ ကျောက်ပစ္စည်းဟာ ဝေသာလီခေတ် စတူပါစေတီ အောက်ခြေပိုင်းတစ်ခု ဖြစ်ပါတယ်။ ဒီစတူပါရဲ့ အနား ဖောင်းရစ်မှာ ယေဓမ္မဟေတုပဘဝါ စာတန်းရေးထိုး ပါရှိပါတယ်။ စတူပါစေတီငယ်တွေကို လွန်ခဲ့တဲ့ နှစ်ပေါင်း ၁၅၀၀ ကျော် (AD- ၅ ရာစု) လောက်က ရခိုင်ပြည်၊ ဝေသာလီခေတ် ထွန်းကားစဉ် ထုဆစ်ကိုးကွယ်ခဲ့ကြပါတယ်။ ဒီ စတူပါစေတီ တွေ့ရှိတဲ့ ကျိန်းတောင်တန်းတလျှောက် ဝေသာလီခေတ်က ဗုဒ္ဓဘာသာ ကိုးကွယ်ခြင်းနဲ့ ဆက်စပ်နေတဲ့အတွက် ဒီအရပ်မှာ လွန်ခဲ့တဲ့နှစ်ပေါင်း ၁၅၀၀ လောက်က ရခိုင်လူမျိုးများ နေထိုင်ခဲ့ကြတယ်လို့ သုံးသပ်မိပါတယ်" ဟု အဆိုပါ စတူပါ စေတီငယ်ကို သွားရောက် လေ့လာခဲ့သော မင်းပြားမြို့မှ ရခိုင်သမိုင်းသုတေသီ မင်းပြား-မင်းသိန်းဇံ က ပြောပါသည်။
ယခုတွေ့ရသော စတူပါ စေတီငယ်မှာ အလျား ၁၂ လက်မခန့် အနံ ၇ လက်မခန့် အမြင့် ၁၈ လက်မခန့် ရှိပြီး မျက်နှာပြင်တစ်ဖက် ပျက်စီးနေကာ စတူပါစေတီ အပေါ်ပိုင်းလည်း ပျက်စီးခဲ့ဟန် ရှိကြောင်း ရခိုင်သမိုင်းသုတေသီ မင်းပြား-မင်းသိန်းဇံက ဆိုသည်။
ယခင်ကလည်း ဤကဲ့သို့ ကျိန်းတောင်တန်းမှ စတူပါ စေတီငယ် ၂ ဆူ ရရှိခဲ့ပြီး ကျိန်းတောင်တန်း သူဌေးကုန်းရွာ အနီးမှ ရရှိသော စတူပါစေတီငယ်ကို ရတနာ့ဗိမာန် ဘုန်းကြီးကျောင်းတွင် လည်းကောင်း၊ ကျိန်းတောင်တန်း အနောက်ဘက် အသည်ရွာအနီးမှ ရရှိသော စတူပါ စေတီငယ်ကို အသည်ရွာ ဘုန်းကြီးကျောင်းတွင် လည်းကောင်း သိမ်းဆည်းထားရှိသည်ဟု သိရသည်။
ယခု တွေ့ရှိရသော စတူပါ စေတီငယ်ကို တူးဖော်တွေ့ရှိရာ "ပုဏ္ဏားကန်" ပေါ်တွင် ယာယီထားရှိကြောင်း သိရပြီး ထိုစတူပါစေတီငယ်ကို သင့်တော်ရာနေရာတစ်ခုခု၌ ထိန်းသိမ်းပြသထားနိုင်ရန်အတွက် သက်ဆိုင်ရာ တာဝန်ရှိသူများက အရေးတယူ လာရောက် စုံစမ်းမေးမြန်းခြင်းများ မရှိသေး၍ ထိုကန်ဘောင်ပေါ်၌ပင် ရေစုပ်အလုပ်သမားများကို စောင့်ကြည့်ခိုင်းထားရကြောင်း ဈေးဟောင်းပိုင်းရပ်ကွက်မှ ဦးလှမောင်သန်း က ဆိုပါသည်။
From-မင်းပြား - သတင်း
မင်းပြားမြို့၌ ချို့ယွင်းနေသော လျှပ်စစ်မီးစက်ကြီးကို ပြုပြင်နေစဉ်အတွင်း ရပ်ကွက်လိုက် အလှည့်ကျ မီးပေးမည်ဟုဆို
မင်းပြား (သြဂုတ် ၂၁၊ ၂၀၁၅)
ရခိုင်ပြည်၊ မင်းပြားမြို့၌ လျှပ်စစ်ဓာတ်အားပေးလုပ်ငန်းမှ လျှပ်စစ်မီး ပေးနေသော 550 KVA မီးစက်ကြီးမှာ စက်ချို့ယွင်းသွားသဖြင့် စက်ပြုပြင်နေစဉ်အတွင်း ရပ်ကွက်အလိုက် အလှည့်ကျစနစ်ဖြင့် လျှပ်စစ်မီး ဖြန့်ဖြူးပေးသွားမည် ဖြစ်ကြောင်း မြို့နယ်လျှပ်စစ်ဓာတ်အား ဖြန့်ဖြူးရေးလုပ်ငန်းမှ ထုတ်ပြန်ကြော်ငြာချက် အရ သိရသည်။
မင်းပြားမြို့၊ လျှပ်စစ်ဓာတ်အား ဖြန့်ဖြူးရေးလုပ်ငန်းမှ ရပ်ကွက် ၃ ခုသို့ လျှပ်ဓာတ်အား ဖြန့်ဖြူးပေးလျှက်ရှိရာ 550 KVA မီးစက်ဖြင့် အောက်ရွာပိုင်းရပ်ကွက်နှင့် အလယ်ပိုင်းရပ်ကွက်များသို့ လည်းကောင်း၊ 300 KVA မီးစက်ဖြင့် ဈေးဟောင်းပိုင်း ရပ်ကွက်သို့ လည်းကောင်း နေ့စဉ် ညနေ (၇)နာရီခန့်မှ (၁၀)နာရီခွဲခန့်အထိ လျှပ်စစ်ဓာတ်အား ဖြန့်ဖြူးပေးနေခဲ့ရာ 550 KVA မီးစက်မှာ ချို့ယွင်းသွားသည့်အတွက် အဆိုပါစက်ကို ပြုပြင်နေစဉ်ကာလအတွင်း 300 KVA စက်ဖြင့် ရပ်ကွက် အလိုက် အလှည့်ကျစနစ်ဖြင့် လျှပ်စစ်ဓာတ်အား ဖြန့်ဖြူးပေးသွားမည်ဟု သိရသည်။
အဆိုပါ လျှပ်စစ်မီးစက်ချို့ယွင်းမှုနှင့် ပတ်သက်၍ ယနေ့ (၂၁-၈-၂၀၁၅) နေ့လည် (၁) နာရီ အချိန်ခန့်က ဌာနဆိုင်ရာများနှင့် မြို့သူ/သားများက မြို့နယ်အထွေထွေ အုပ်ချုပ်ရေး ဦးစီးဌာန၌ ညှိနှိုင်းအစည်းအဝေး ပြုလုပ်ရာ 550 KVA မီးစက်အား ပြုပြင်နေစဉ် ကာလအတွင်း 300 KVA မီးစက်ဖြင့် ရပ်ကွက်လိုက် အလှည့်ကျ လျှပ်စစ်မီး ဖြန့်ဖြူးပေးသွားမည်ဟု ညှိနှိုင်းဆုံးဖြတ်ခဲ့ကြကြောင်း သိရသည်။
"အခု ချို့ယွင်းနေတဲ့ 550 KVA မီးစက်ကို ပြည်နယ်လျှပ်စစ်ဓာတ်အား လုပ်ငန်းက စက်ပြင်ဆရာများက (၂၀-၈-၂၀၁၅) နေ့ရက်ကစပြီး ပြုပြင်နေပါတယ်။ စက်ပြင်နေစဉ်ကာလအတွင်း ညှိနှိုင်းအစည်းအဝေး ဆုံးဖြတ်ချက်အရ 300 KVA စက်နဲ့ ရပ်ကွက်အလိုက် အလှည့်ကျ စနစ်နဲ့ လျှပ်စစ်မီး ဖြန့်ဖြူးပေးဖို့ ဖြစ်ပါတယ်။ စက်ပြုပြင်ပြီးသွားရင်တော့ ယခင်အတိုင်း ပုံမှန် လျှပ်စစ်ဓာတ်အား ဖြန့်ဖြူးပေးသွားမှာ ဖြစ်ပါတယ်။" ဟု မင်းပြားမြို့ လျှပ်စစ်ဓာတ်အား ဖြန့်ဖြူးရေးလုပ်ငန်းမှ မြို့နယ်လျှပ်စစ်မှူး ဦးလှထွန်းက ပြောသည်။
"မင်းပြားမြို့မှာ အရင်က EPC က မဟုတ်ဘဲ မြို့မီးလင်းရေး ကော်မတီက မီးပေးတဲ့အချိန်က မီတာခ တစ်ယူနစ်ကို ၃၀၀ ကျပ် ပေးရတယ်။ အခုတော့ EPC က လျှပ်စစ်မီတာ တစ်ယူနစ်ကို ၃၅ ကျပ်ဆိုတော့ မီးသုံးစွဲသူတွေက အရင်ကထက်ပိုပြီး မီးသုံးစွဲမှု များလာကြတယ်။ အထူးသဖြင့် လျှပ်စစ်ထမင်းအိုး၊ မီးဖို၊ မီးပူ သုံးစွဲတာတွေ တအားများလာလို့ မကြာခဏ မီးပြတ်တောက်တာတွေ ရှိပါတယ်။ ည ၇ နာရီက ၉ နာရီ အချိန်ထိဆို လျှပ်စစ်မီးကို အများဆုံး သုံးစွဲကြတော့ အဲဒီအချိန်မှာ မီးပြတ်တောက်မှု ပိုဖြစ်ပါတယ်။" ဟု သူက ဆက်ပြောသည်။
လက်ရှိအခြေအနေအရ မင်းပြားမြို့မှာ ၃ ရက်မှ တစ်ခါ လျှပ်စစ်ဓာတ်အား ရရှိမည်ဖြစ်ပြီး ကျောင်းသား/သူများ အနေဖြင့် ဖယောင်းတိုင်မီးဖြင့် စာဖတ်ကြရမည် ဖြစ်ကာ ဖုန်းသုံးစွဲသူများမှာ အနေဖြင့် ကိုယ်ပိုင်မီးစက်ဖြင့် လျှပ်စစ်မီးသုံးစွဲနေရသော လဘက်ရည်ဆိုင်များတွင် သူ့ထက်ငါ လက်ဦးမှုရအောင် ဖုန်းဘက်ထရီ အားသွင်းနေကြရမည် ဖြစ်ပါသည်။
From- မင်းပြား - သတင်း
စေတနာရှင်များမှ ဇ-ဖောင်ဒေးရှင်းသို့  ငွေကြေး၊ရေသန့်  နှင့် ဆေးဝါး များ လှူဒါန်း
(သြဂုတ်လ ၂၂ ၊ မင်းပြား)
ရခိုင်ပြည်နယ်ရှိ ရေဘေးသင့်ပြည်သူများအား တနိုင်တပိုင်၊တစ်တပ်တစ်အား ကူညီကယ်ဆယ် ၊ ထောက်ပံ့ပေးနေသည့် ဇ-ဖောင်ဒေးရှင်းသို့  သြဂုတ်လ ၁၆ ရက်နေ့ က ရွှေပြည်တန်-မိသားစုမှ
ဒုတိယအကြိမ် ရေသန့် ဗှူးများ နှင့် အလှူငွေများအား မင်းပြား - ရွှေပြည်တန် ဆိပ်ကမ်း၌ လွှဲပြောင်းလှူဒါန်းခဲ့ကြောင်း သိရသည်။
``ပထမတစ်ကြိမ်က ရေသန့် ဗှူးသေး ၁၀၀၂ လုံး၊ ဒုတိယတစ်ကြိမ်က ရေသန့်  ဗှူး 1 လီတာ ၃၀၀၀ လာလှူပါတယ်...အလှူရှင်က စစ်တွေ၊ ရွှေပြည်တန် ရုံးချုပ်ကပါ´´ဟု လက်ခံရရှိသူ ဇ-ဖောင်ဒေးရှင်းမှ ကိုညီညီအောင်က လေးမြို့ သို့  ပြောကြားသည်။
ထို့ပြင် ရွှေ ပြည်တန်မှ ကိုသန့်ဇင်ဝင်းကလည်း အလှူငွေကျပ် တစ်သိန်းတိတိကိုလည်းကောင်း၊ လာရောက်လှူဒါန်းခဲ့ပြီး မင်းပြားမှ ကိုသိန်းထူး ဦးဆောင်သည့် ပြည်မြို့  မှ စေတနာရှင်များက လည်း ဆေးဝါးများကိုလည်းကောင်း
လာရောက်လှူဒါန်း လွှဲပြောင်းပေးခဲ့ကြကြောင်း သိရသည်။
အဆိုအလှူပစ္စည်းများအား ဇ-ဖောင်ဒေးရှင်း၏ ကယ်ဆယ်ရေး ခရီးစဉ်များတွင် လိုအပ်သလို စီမံခန့် ခွဲ လှူဒါန်းသွားမည်ဖြစ်ကြောင်း ခေါင်းဆောင် တစ်ဦးဖြစ်သူ ကိုထွန်းသိန်းမောင်၏ ပြောကြားချက်အရ သိရသည်။
မင်းမြတ်ခိုင်
(လေးမြို့  သတင်းမီဒီယာ)
မြန်မာ့နိုင်ငံရေးတွင် ဗိုလ်ချုပ်မှူးကြီး(ဟောင်း)သန်းရွှေ ပါဝင်မှုမရှိဟုဆို
မြန်မာ့နိုင်ငံရေးတွင် ဗိုလ်ချုပ်မှူးကြီး(ဟောင်း) သန်းရွှေ ပါဝင်မှု၊ သြဇာလွှမ်းမိုးမှု မရှိဟု တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က အာရ်အက်ဖ်အေ သတင်းဌာနကို ပြောကြားလိုက်သည်။
" ဘာမှ ဗိုလ်ချုပ်မှူးကြီး သန်းရွှေ (အငြိမ်းစား)ရဲ့ သြဇာလွှမ်းမိုးမှု ဘာတစ်ခုမှမရှိပါဘူး"ဟု ဗိုလ်ချုပ်မှူးကြီး မင်းအောင်လှိုင်က ဖြေကြားသည်။
၂ဝ၁၄ ခုနှစ်နောက်ပိုင်း မြန်မာ့နိုင်ငံရေးမှာ ဗိုလ်ချုပ်မှူးကြီး (ဟောင်း) ဦးသန်းရွှေရဲ့အခန်းကဏ္ဍ ပါဝင်လာကြောင်း ပြောဆိုနေမှု ရှိသည့်အပေါ် RFAက မေးမြန်းမှုကို ""ဟုတ်ပါသလားလို့မေးရင်တော့ ကျနော်အနေနဲ့ကတော့ မဖြစ်နိုင်ဘူးလို့ ကျနော်ကပြောချင်တာ၊ ဗိုလ်ချုပ်မှူးကြီးက သူ့ဟာသူပဲ အေးဆေးနေတာပါ၊ ကျနော်တို့လည်း အခါကြီးရက်ကြီးတွေမှာ သွားပြုပြီးတော့ ဂါရဝပြုတာတွေရှိပါတယ်၊ ကျနော်တို့ရဲ့ တပ်မတော်ရဲ့မိဘဖြစ်တဲ့အတွက်ကြောင့် ကျနော်တို့ သွားရောက်ဂါရဝပြုတာတွေရှိပါတယ်၊ သူကတိုင်းပြည်ကောင်းဖို့အတွက်ပဲ သူအကြံပြုတာတွေ ကျနော်တို့ တပ်မတော်ကောင်းအောင်လုပ်ဖို့အတွက် အကြံပြုတာတွေပဲရှိတယ်၊ ဘာလုပ်ပါလို့တော့ ဒီဟာတွေကိုတော့ လုပ်တာပြုတာတော့မပြောဘူး မရှိဘူး၊ နံပါတ် ၂ အချက်ကတော့ စည်းစည်းလုံးလုံးနေကြဖို့ သူမကြာခဏပြောပါတယ် တိုင်းပြည်ကောင်းအောင်လုပ်ကြဖို့ ဒီလောက်ပဲပြောပါတယ်"ဟု ဗိုလ်ချုပ်မှူးကြီး မင်းအောင်လှိုင်က ပြန်လည် ဖြေကြားသည်။
လတ်တလော နိုင်ငံရေးအခြေအနေမှာ နိုင်ငံတော်အစိုးရဘက်ကနေ ရပ်တည်ပေးရမှာက လိုအပ်ချက်ဖြစ်ကြောင်း နှင့် လက်ရှိ နိုင်ငံတော်အကြီးအကဲ သမ္မတကြီးဦးသိန်းစိန် ဦးဆောင်မှုအောက်တွင် တပ်မတော်အကြီးအကဲတစ်ဦးအနေဖြင့် လိုက်နာဆောင်ရွက်သွားရမည်ဟုလည်း ၎င်းက ပြောသည်။
From-Mizzima
မင်းပြားတွင် လျှပ်စစ်မီးမလင်းသောကြောင့် မြို့လူထုအုံကြွ ဆန္ဒပြ
မင်းပြား (သြဂုတ် ၂၀၊ ၂၀၁၅)
ရခိုင်ပြည်၊ မင်းပြားမြို့တွင် လျှပ်စစ်မီး မရရှိသောကြောင့် ယနေ့ (၂၀-၈-၂၀၁၅) ရက် ညည့် (၈)နာရီ အချိန်ခန့်က မြို့လူထု အုံကြွ ဆန္ဒပြမှု ဖြစ်ပွားခဲ့သည်ဟု သိရသည်။
မင်းပြားမြို့ရှိ လျှပ်စစ်မီးစက်မှ လျှပ်စစ်မီး အဆင်ပြေ ကောင်းမွန်စွာမရရှိဘဲ လျှပ်စစ်မီး မကြာခဏ ပြတ်တောက်မှုဒဏ်ကို သည်းခံနေကြရသော မင်းပြားမြို့လူထု (၁၀၀၀) ကျော်ခန့်က ယနေ့ညတွင် တပြိုင်တည်း အုံကြွဆန္ဒပြခြင်းဖြစ်ကြောင်း သိရသည်။
မင်းပြားမြို့၊ လျှပ်စစ်မီးစက်ကြီးရှေ့တွင် လျှပ်စစ်မီး ကောင်းမွန်စွာရရှိရေးအတွက် မြို့လူထုက အုံကြွတောင်းဆို ဆန္ဒဖော်ထုတ်ကြသောကြောင့် မြို့နယ်ရဲတပ်ဖွဲ့မှူးက လာရောက် ထိန်းသိမ်း ညှိနှိုင်းခဲ့ရသည်ဟု သိရသည်။
ဆန္ဒပြလူထုသည် ထိုမှတဆင့် မြို့နယ် အုပ်ချုပ်ရေးမှူး နေအိမ်ရှေ့၌ လျှပ်စစ်မီးရရှိရေးအတွက် ဆန္ဒဖော်ထုတ်ကြသောကြောင့် မြို့နယ်အုပ်ချုပ်ရေးမှူးက မနက်ဖြန် တာဝန်ရှိသူများနှင့် ညှိနှိုင်းကာ လျှပ်စစ်မီးကိစ္စနှင့် ပတ်သက်၍ အကောင်းဆုံး ဖြစ်အောင် စီစဉ်ဆောင်ရွက်ပေးမည်ဟု ပြောကာ လူစုခွဲစေခဲ့သည်ဟု သိရသည်။
မင်းပြားမြို့တွင် မြို့ပေါ် ရပ်ကွက်ကြီး (၃)ခုသို့ လျှပ်စစ်ဓာတ်အား ဖြန့်ဖြူးရေးလုပ်ငန်းမှ 500 KVA နှင့်
300 KVA မီးစက်ကြီး (၂) လုံးဖြင့် နေ့စဉ် ညနေ (၇)နာရီခန့်မှ (၁၀)နာရီခွဲခန့်အထိ လျှပ်စစ်ဓာတ်အား ဖြန့်ဖြူးပေးလျှက်ရှိရာ လျှပ်စစ်ဓာတ်အား သုံးစွဲမှုများလာသောကြောင့် လျှပ်စစ်မီးများ မကြာခဏ ပြတ်တောက်နေရသည်ဟု မြို့နယ် လျှပ်စစ်ဓာတ်အား ဖြန့်ဖြူးရေးလုပ်ငန်းမှ တာဝန်ရှိသူတစ်ဦးက ပြောသည်။
မိမိတို့ ရခိုင်ပြည်မှ ထွက်ရှိသော ရွှေသဘာဝဓာတ်ငွေ့ကို အသုံးပြုခွင့်မရရှိဘဲ ပြည်မမှလာသော မဟာဓာတ်အားလိုင်းသည် မင်းပြားမြို့နယ်အတွင်းမှ ဖြတ်သန်းသွားသော်လည်း မင်းပြားမြို့ပေါ်၌မူ စုတ်ပြတ်သတ်နေသော မီးစက်ဖြင့် (၄)နာရီကြာကြာခန့် ရရှိပြီး မကြာခဏ ပြတ်တောက်နေသော လျှပ်စစ်ဓာတ်အားကို သုံးစွဲနေကြရသည်ဟု သိရသည်။
From-မင်းပြား - သတင်း