(Western News)
April 15 , 2016
ရခိုင်ပြည်နယ်မြောက်ပိုင်းရှိ မြောက်ဦးခရိုင်တွင် သောက်သုံးရေရှားပါးမှုနှင့် အကြောင်းအမျိုးမျိုးတို့ကြောင့် ရိုးရာရေလောင်းမဏ္ဍပ်များကို စည်ကားသိုက်မြိုက်စွာ မကျင်းပနိုင်ခဲ့သည်မှာ ဆယ်စုနှစ်တစ်ခုနီးပါး ရှိခဲ့ပြီဖြစ်သော်လည်း ယခု ၂၀၁၆ ခုနှစ် မင်းပြားသင်္ကြန်သည် မြောက်ဦးခရိုင်တွင်အစည်ကားဆုံး ရိုးရာသင်္ကြန်ပွဲတော်တစ်ခုဖြစ်လာကြောင်း ရခိုင်မြောက်ပိုင်းဒေသခံများ၏ ပြောကြားချက်အရ သိရသည်။
မင်းပြားအပါအဝင် ရခိုင်ပြည်နယ်မြောက်ပိုင်းရှိ မြို့အချို့၌ သင်္ကြန်အခါသမ ကားပေါ်တွင် ဆောင်းဘောက်များ ဖွင့်ပြီး မြို့ပတ် ၊ လျှောက်လည်သည့် ခေတ်သစ်ယဉ်ကျေးမှု ထွန်းကားလာခြင်းနှင့် ရေရှားပါးမှုတို့ကြောင့် ရိုးရာမဏ္ဍပ်များ တဖြည်းဖြည်း ပျောက်ကွယ်လုနီးပါးရှိနေကြောင်း မင်းပြားဒေသခံတစ်ဦးဖြစ်သူ ဦးအောင်ဝင်းက ပြောကြားသည်။
သို့သော်လည်း ယခုနှစ် မင်းပြားတွင် ဦးဥတ္တမပန်းခြံအတွင်း၌ ရိုးရာရေလောင်း
မဏ္ဍပ်များ ရပ်ကွက်အလိုက်ဖွင့်ကာ ရန်ကုန် ၊ သိမ်ဖြူကွင်း ၊ သုဝဏ္ဍကွင်းများကဲ့သို့ တစ်စုတစ်စည်းကျင်းပလာနိုင်သဖြင့် အထူးစည်ကားကာ မင်းပြားအပါအဝင် မြောက်ဦး ၊ ကျောက်တော် ၊ မြေပုံ ၊ ပေါက်တောနှင့် ရပ်ဝေး၊ရပ်နီးမှ လာရောက်ရေကစားခဲ့ကြကြောင်း အဆိုပါပွဲတွင် ဈေးဆိုင်ရောင်းသူတစ်ဦးဖြစ်သူ ကိုညီညီဆန်းက ပြောကြားသည်။
အဆိုပါ မင်းပြား ရိုးရာသင်္ကြန်ပွဲဖြစ်မြောက်ရေးအတွက် မင်းပြားမြို့စည်ပင်သာယာရေးကော်မတီနှင့် လူမှုအဖွဲ့အစည်းများမှ ပူးပေါင်း၍ စီစဉ်ကျင်းပခဲ့ခြင်းဖြစ်ကြောင်း သိရပြီး ရိုးရာဘုရားရေသပ္ပယ် ကုသိုလ်ယူပွဲကိုလည်း ယခင်နှစ်များထက် စည်ကားသိုက်မြိုက်စွာ ကျင်းပနိုင်ခဲ့ကြောင်း သိရသည်။
မောင်ကာကြီး (လေးမြို့)