“အသုံးအနှုန်းတခုကို သုံးမယ်ဆိုရင် ဇာစ်မြစ်ကို လေ့လာဖို့လိုမယ်။ သူက ကမ္ဘာ့ခေါင်းဆောင်လေ။“
သမ္မတ အိုဘားမား မိန့်ခွန်းအပေါ် ဒေါက်တာအေးမောင်၏ သုံးသပ်ချက်
သူ့အနေနဲ့ သုံးခွင့်ရှိတဲ့သဘော ရှိမှာပေါ့။ ကျနော်တို့ကတော့ မကြိုက်ချင်ဘူး။ ရင်ကြားစေ့ရေးဆိုတာ တိုင်းရင်းသား အချင်းချင်းကတော့ ဖြစ်နိုင်တာပေါ့။ တိုင်းရင်းသား မဟုတ်တဲ့ပုဂ္ဂိုလ်တွေ၊ အခြားတနေရာက လာတဲ့ပုဂ္ဂိုလ်တွေက အမည်သစ်ထွင်ပြီးကာမှ ရည်မှန်းချက်ကြီးကြီး လုပ်တာမျိုးမို့လို့ အိုဘားမား လေ့လာဖို့လိုပါတယ်။ ဒါနဲ့ပတ်သက်ပြီး အကုန်လုံးရဲ့သဘောထားတခု ထွက်နိုင်ပါတယ်။ ကျနော် မကြိုက်ဘူး။ သူက လွတ်လွတ်လပ်လပ် တိုင်းပြည်ကဆိုတော့ မည်သည့်နိုင်ငံကိုမဆို လွတ်လွတ်လပ်လပ် ပြောဆိုဝေဖန်နိုင်တယ်။ သူရဲ့အမြင်ကိုးဗျ။ ဒါပေမယ့် နိုင်ငံတခုကို လာတဲ့ခေါင်းဆောင်ဆိုတာက ဒီနိုင်ငံနဲ့ပတ်သက်တဲ့ အသုံးအနှုန်းတခုကို သုံးမယ်ဆိုရင် ဇာစ်မြစ်ကို လေ့လာဖို့လိုမယ်။ သူက ကမ္ဘာ့ခေါင်းဆောင်လေ။ ကမ္ဘာ့ခေါင်းဆောင်ဆိုတာက ကမ္ဘာကြီးတခုလုံး အပ်ကျတာကအစ သိနေတယ်ဆိုရင်လေ။ အိုဘားမားက မွတ်စလင်ပဲ။ နောက်မှ ခရစ်ယာန်ပြောင်းတယ်လို့ သိတာကိုး။ ဒါပေမယ့် ကျနော်တို့ ရိုဟင်ဂျာဆိုတဲ့ အသုံးအနှုန်းကို လုံးဝမကြိုက်ဘူး။ သူက လွတ်လွတ်လပ်လပ်နေရာက လာတဲ့လူသားကိုးဗျ။
ဒေါက်တာအေးမောင် (အမျိုးသားလွှတ်တော်ကိုယ်စားလှယ်၊ ရခိုင်တိုင်းရင်းသားများ တိုးတက်ရေးပါတီ ဥက္ကဋ္ဌ)
ဧရာဝတီ သတင်းဌာနက ဖော်ပြသော “သမ္မတ အိုဘားမား မိန့်ခွန်းကို ဘယ်လို မြင်ကြသလဲ“ သတင်းမှ ကောက်နုတ်ချက်။
Subscribe to:
Post Comments (Atom)