၁၀၅ နှစ်မြောက် ဦးသန့်မွေးနေ့အထိမ်းအမှတ်အဖြစ် ဂူဗိမာန်တစ်နေ့လုံး ဖွင့်ပေးမည်

ဇန်န၀ါရီ ၂၂ ရက်တွင် ကျရောက်သည့် ကုလသမဂ္ဂ အထွေထွေအတွင်းရေးမှူးချုပ်ဟောင်း ဦးသန့်၏ ၁၀၅ နှစ်မြောက် မွေးနေ့အထိမ်းအမှတ်အဖြစ် ရွှေတိဂုံဘုရားလမ်းရှိ ဦးသန့်၏ ဂူဗိမာန်ကို တစ်နေ့လုံး ဖွင့်ထားမည်ဖြစ်ကြောင်း ဦးသန့်မိသားစု၏ ပြောရေးဆိုခွင့်ရှိသူ ဒေါ်သစ်သစ်က ပြောသည်။

"မနက်ဖြန်မနက်မှာ ဦးသန့်ရဲ့ ဂူဗိမာန်ကို အများပြည်သူကြည့်ရှုလေ့လာနိုင်ဖို့ ဖွင့်လှစ်ပါမယ်။ ဘဘရဲ့ ၁၀၅ နှစ်မြောက် မွေးနေ့အထိမ်းအမှတ်လေးပါ" ဟု ဒေါ်သစ်သစ်က ပြောသည်။

အရှေ့တောင်အာရှတွင် ပထမဆုံး အာရှနိုင်ငံသားများထဲမှ ကမ္ဘာ့ကုလသမဂ္ဂ၏ အထွေထွေအတွင်းရေးမှူးချုပ်အဖြစ် သက်တမ်းနှစ်ကြိမ်တိုင်တိုင် တာဝန်ထမ်းဆောင်ခဲ့သူ ဦးသန့်သည် ၁၉၇၄ ခုနှစ်တွင် လည်ချောင်းကင်ဆာဖြင့် အမေရိကန်ပြည်ထောင်စု နယူးယောက်ပြည်နယ်တွင် ကွယ်လွန်ခဲ့သည်။ ၎င်း၏ ရုပ်အလောင်းကို မြန်မာနိုင်ငံသို့ ပြန်လည်သယ်ယူခဲ့ပြီးနောက် ရွှေတိဂုံဘုရားလမ်းတွင် ဂူဗိမာန်ဖြင့် ထားရှိခဲ့ခြင်းဖြစ်သည်။

ကုလသမဂ္ဂအထွေထွေအတွင်းရေးမှူးချုပ် ဘန်ကီမွန်း ဦးသန့်ဂူဗိမာန်သို့ လာရောက်ဂါရ၀ပြုစဉ်....ဓါတ်ပုံ-Nyi Nyi(Sky Light)

မှ 7Day News Journal

SHARE THIS