ဆင်ဆာလွတ်လပ်ခွင့်ကို တန်ဖိုးထားတယ် ဆိုရင်တော့ တန်ဖိုးရှိရှိ အသုံးချဖို့လိုတယ် ဒါရိုက်တာ မောင်မျိုးမင်း (ရင်တွင်းဖြစ်)

လူတစ်ဦးရဲ့ အတွေး၊အခေါ် ထင်မြင်ယူဆချက်တွေ အပေါ်မှာ အလေးအနက်ထားပြီး နားထောင်တတ်ဖို့လည်း လိုအပ်ပါတယ်။  အထူးသဖြင့် ပြည်သူကို ချစ်ကြတဲ့ အနုပညာရှင်တွေနဲ့၊ အနုပညာရှင်တွေကို ချစ်ကြတဲ့ပြည်သူတွေရဲ့ ကြားမှာ အပြန်အလှန် ပေးချင်တဲ့ Message တွေ ရှိကြမှာ မလွဲပါဘူး။ မီဒီယာတွေရဲ့ ထုံးစံအတိုင်းပဲ ဘယ်လိုအကြောင်းအရာတွေကို ပရိသတ်တွေသိအောင် ပြောကြားချင်လဲလို့ အနုပညာရှင်တွေကို မေးမြန်းကြည့်တဲ့အခါ . . . သူတို့က ဒီလို ပြောကြားခဲ့ ပြန်ပါတယ် . ..

Photo



အခုဆိုရင် ဆင်ဆာတွေလည်း သင့်တင့်တဲ့ လွတ်လပ်ခွင့်တွေ ပေးလိုက်ပြီ။ အဲဒီလို ပေးလိုက်တဲ့အချိန်မှာ အနုပညာရှင်တွေဘက်က ဘာတွေရိုက်ကြမလဲဆိုတာ အရမ်းစကားပြောလာပြီ။ ပရိသတ်ဘက်ကလည်း ဆင်ဆာတွေက ခွင့်ပြုလိုက်ပြီဆိုတော့ မျှော်လင့်လာကြပြီ။ အဲဒီလို မျှော်လင့်လာကြတဲ့ အချိန်မှာ ခါတိုင်းလိုပဲ ချစ်ကြိုက်ညားကွဲတွေကို ရိုက်နေလို့ အလကားပဲ။ အနုပညာရှင်တွေကလည်း ချပေးလိုက်တဲ့ လုပ်ပိုင်ခွင့်နဲ့ တန်ရာတန်ရာလေးကို လုပ်ပြရမယ်။ အဲဒီလိုလုပ်ပြကြတဲ့ အခါမှာ တချို့က ထူးထူးခြားခြား ဖြစ်ချင်တယ်။ ထူးထူးခြားခြား ဖြစ်ချင်တာ အနုပညာရှင်ရဲ့ သဘာဝလေ။ ကောင်းသော ထူးထူးခြားခြား ဖြစ်စေချင်တယ်။ တချို့ကျတော့လည်း အဖော်အချွတ်တွေနဲ့ ကလေးတွေကြည့်လို့ မသင့်တော်တဲ့ဟာမျိုးတွေ ရိုက်ပြတာမျိုးတွေပေါ့။ အဲဒီလိုမျိုးတွေ ဆိုရင်တော့ လောလောဆယ် ကိုယ့်အနုပညာရှင် အချင်းချင်း ပြန်ထိန်းသင့်တယ်။
 
ဒါတင်မကဘူး တစ်ခါတလေ ပရိသတ် လက်မခံနိုင်တဲ့ အနိဋ္ဌာရုံဆန်တဲ့ ဟာမျိုးတွေကို တချို့ အချစ်ကို အကြောင်းပြုပြီး Sexy ဖြစ်အောင် ရိုက်ပြထားတဲ့ ကားမျိုးတွေ အဲတာမျိုးတွေကို ကိုယ့်ဘာသာကိုယ် ဆင်ခြင်သင့်တယ်။ မဆင်ခြင်ရင် ရထားတဲ့ဟာက ဒီလိုဟာမျိုးတွေရှိလို့ ကျွန်တော်တို့က ဒီလိုပိတ်ထားတာပါဆိုပြီး ပြန်ယူသွားမယ်ဆိုရင် ကြိုးစားပြီး ယူထားတဲ့ဟာတွေက အလကား ဖြစ်သွားလိမ့်မယ်။ ဆင်ဆာလွတ်လပ်ခွင့်တွေကို တန်ဖိုးထားတယ် ဆိုရင်တော့ တန်ဖိုးရှိရှိ အသုံးချဖို့လိုတယ်။ အခု ဦးမျိုး ဇာတ်ကား “နှောင်းချစ်ဝေ့လယ်” ကို ကိုယ်ဘာသာကိုယ် တိုက်တွန်းချက် ဆိုပြီးတော့ အသက် (၁၅) နှစ်အောက် လူငယ်များ မကြည့်ရ မကြည့်သင့်၊ ဆေးပညာပေး ဇာတ်ကားဖြစ်သည်လို့ရေးဖို့ စိတ်ကူးထားတယ်။ ဒီဇာတ်ကားမှာ ညစ်ညစ်ညမ်းညမ်းတွေ မပါဘူး။ ဒီဘက်ခေတ်မှာ ကြီးတဲ့လူတွေ အနေနဲ့ မသိမဖြစ် သိသင့်တာတွေပါတယ်။ ငယ်တဲ့လူတွေအနေနဲ့ မသိသင့်သေးတာတွေလည်း ဒီဇာတ်ကားထဲမှာ ပါတယ်။ ဆင်ဆာတွေလည်း လွတ်လာပြီဆိုရင် သတိပေး တားမြစ်ချက်တွေ၊ သတ်မှတ်ချက်တွေ ထည့်သင့်ပါတယ်။ အဲဒီလို အရာမျိုးတွေလည်း ရှိရမယ်လေ။ အခု အဲတာတွေမရှိတော့ ကိုယ့်ဘာသာကိုယ် သတ်မှတ် ပေးလိုက်တယ်။

SHARE THIS
Previous Post
Next Post