မန်ယူထက် ပိုချမ်းသာသည့် ရီးရဲလ်မက်ဒရစ် …

စပိန်ထိပ်သီးကလပ် ရီးရဲလ်မက်ဒရစ်အသင်းသည် ပရီးမီးယားလိဂ် ကလပ် မန်ချက်စတာ ယူနိုက်တက် အသင်းကို ကျော်လွန်ကာ ကမ္ဘာ့တန်ဖိုးအရှိဆုံး ဘောလုံးအသင်းဖြစ်လာကြောင်း နာမည်ကျော် စီးပွားရေးမဂ္ဂဇင်း Forbes က ဖော်ပြသွားခဲ့သည်။

အဆိုပါ စာရင်းအား 2004 တွင် Forbes မဂ္ဂဇင်းက စတင်ကောက်ခဲ့ပြီး နောက်ပိုင်း မန်ယူအသင်း အနေဖြင့် ပထမဆုံးအကြိမ် ထိပ်ဆုံးနေရာမှ ကျဆင်းခဲ့ခြင်းဖြစ်သည်။

Forbes မဂ္ဂဇင်းက ဖော်ပြထားသည့်လက်ရှိတန်ဖိုးများမှာရီးရဲလ်မက်ဒရစ် သည် အမေရိကန်ဒေါ်လာ( 3.3 ) ဘီလျံ နှင့် ဒုတိယနေရာမှ မန်ယူအသင်းမှာ အမေရိကန်ဒေါ်လာ( 3.17 )ဘီလျံဖြစ်ပြီး ဘာစီလိုနာအသင်းမှာ တတိယ နေရာတွင်ရှိနေသည်။ စတုတ္ထနေရာတွင် အာဆင်နယ် အသင်းကအမေရိကန် ဒေါ်လာ( 1.33 ) ဘီလျံ ၊ ၄င်းနောက်တွင် ဘိုင်ယန်မြူးနစ်အသင်းက အမေရိကန် ဒေါ်လာ ( 1.31 )ဘီလျံ ၊ အေစီမီလန်သည်အမေရိကန် ဒေါ်လာ ( 945 )သန်း၊ချဲလ်ဆီးသည် အမေရိကန်ဒေါ်လာ( 901 )သန်း ၊ ဂျူဗင်တပ် အသင်းသည် အမေရိကန်ဒေါ်လာ( 694 ) သန်း ၊ မန်စီးတီးသည် အမေရိကန် ဒေါ်လာ( 689 )သန်းနှင့် လီဗာပူးလ်အသင်း၏ တန်ကြေးမှာ အမေရိကန် ဒေါ်လာ( 651 )သန်းရှိကြောင်း အသီးသီးဖော်ပြခဲ့သည်။

ဒါ့အပြင် ကမ္ဘာ့ဝင်ငွေအမြင့်ဆုံးဘောလုံးသမားအဖြစ် ယခု ပီအက်စ်ဂျီ အသင်းတွင် ကစားနေ သည့်ဒေးဗစ်ဘက်ခမ်းက ရပ်တည်နေပြီး ၄င်းနောက် တွင် ရီးရဲလ်မက်ဒရစ်မှခရစ္စတီယာနို ရော်နယ်ဒို က ဒုတိယ အဖြစ်ရှိနေ ကြောင်း သိရသည်။

SkyNet TV Browser

SHARE THIS