ရခိုင်ပြည်နယ် စစ်တွေမြို့နယ်ရှိ ဇောပုဂျာ၊ ကျက်တောပြင်နှင့် အောင်ဒိုင်ကျေးရွားများတွင် နွားပျောက်မှုများ ဆက်တိုက်ဖြစ်ပွားနေသဖြင့် တောင်သူများ လုပ်ကိုင်စားသောက်ရန် အခက်အခဲ ဖြစ်ပေါ်နေကြောင်း ရခိုင်အမျိုးသားပါတီ အဖွဲ့ဝင် ဦးမောင်စိန်ဦး ကပြောသည်။
“နွားပျောက်မှုတွေ ဆက်တိုက်ဖြစ်ပေါ်နေတယ်လို့ ကျွန်တော်တို့ပါတီကို ရွာသားတွေက လာရောက် တိုင်ကြားကြပါတယ်။ ရှာဖွေမှုတွေ၊ ဖမ်းဆီးအရေးယူမှုတွေ အခုထိ မကြားရသေးဘူးဗျာ”ဟု ဦးမောင်စိန်ဦးကပြောသည်။
မတ်လ ၂၄ ရက်နေ့က စစ်တွေမြို့နယ် ဇောပုဂျာကျေးရွာမှ ဦးထွန်းအောင်ဖြူတွင် နွားတစ်ကောင်၊ ဆိုင်ကယ်တစ်စီး ပျောက်ဆုံးသွားသည်ဟု သိရသည်။
ယင်းအပြင် မတ်လ ၂၅-၂၆ ရက်နေ့က အောင်ဒိုင်ကျေးရွာမှ ဦးမောင်တွင် ၁၀ သိန်းတန် နွားထီးတစ်ရှဉ်းနှင့် မတ်လ ၂၇ ရက်နေ့က ကျက်တောပြင်ကျေးရွာနေ ဦးထွန်းကျော်ဖြူတွင် နွားတစ်ချဉ်း ဆက်တိုက်ဆိုသလိုမျိုး ပျောက်ဆုံးနေသည်ဟု နိရဉ္စရာသတင်းဌာနသို့ ပြောကြားခဲ့သည်။
ဦးထွန်းအောင်ဖြူတွင် မိမိနွားတစ်ချဉ်းကို ရလိုရငြားရာ ၄င်းနှင့်အသိ ဘင်္ဂလီတစ်ဦးကို ငွေ ၅၀၀၀၀ ကျပ်ပေး၍ ရှာခိုင်းရာ နွားမရသည့်အပြင် ငွေပါ ဆုံးသွားကြောင်း သိရသည်။
ရွာသားများအဆိုအရ အနီးအနားရှိ ဘော်ဒူဗ ဘင်္ဂလီဒုက္ခသည်စခန်းမှ ခိုးယူနေကြသည်ဟု သံသယ ရှိနေကြကြောင်း သိရသည်။
ယင်းသို့ နွားပျောက်မှုများရှိနေသည့်အပြင် အောင်ဒိုင်ကျေးရွာမှ တံငှာလုပ်စားနေကြသည့် ရခိုင်တိုင်းရင်းသားများအနေဖြင့် လုံခြုံရေးကြောင့် ပင်လယ်ပြင်သို့ မသွားရဲကြရာမှ ရပ်တည်ရေး အခက်အခဲ ဖြစ်ပြီး ကျေးရွာကို စွန့်ခွာသူများလည်း ရှိနေကြကြောင်းလည်း သိရသည်။
“ကျွန်တော်တို့က စက်လှေကလေးတွေနဲ့ ငါးသွားရှာကြတဲ့အခါ ဘင်္ဂလီတွေက သူတို့စက်လှေကြီးတွေနဲ့ လိုက်နင်းတော့ ကျွန်တော်တို့ ပိုက်ရော လှေရော ဆုံးရှုံးသွားရပါတယ်။ အခုဆိုရင် ကျွန်တော်တို့ရွာက ရွာသားတွေဟာ စစ်တွေမြို့ပေါ်သို့ ပြောင်းရွှေ့တာတွေ၊ နိုင်ငံခြားကို အလုပ်ရှာသွားတာတွေ တော်တော်များ ရှိလာတဲ့အတွက် အောင်ဒိုင်ရွာ ရှေ့ဆက်ရပ်တည်ရေးအတွက် ရင်လေးစရာကောင်းပါတယ်”ဟု အောင်ဒိုင်ကျေးရွာမှ ဦးမဲနက်က ပြောသည်။
ယခုကဲ့သို့ ဘင်္ဂလီများ လုပ်ဆောင်နေခြင်းမှာ ရခိုင်ကျေးရွာများ မနေနိုင်အောင်နှင့် ရွာပျက်သွားအောင် တမင်တကာ အကွက်ချက် လုပ်ဆောင်နေကြခြင်းဖြစ်သည်ဟု သံသယရှိနေကြကြောင်း ဒေသခံများ ပြောပြချက်အရ သိရသည်။
From-Narinjara