ရခိုင်ပြည်နယ် ၊ မင်းပြားမြို့ ၊ မြို့နယ်ဓမ္မာရုံကြီးဘေးရှိ ရုံးတက်လမ်း၌ သုံးဘီးဆိုင်ကယ်များ စည်းကမ်းမဲ့စွာ ရပ်နားနေမှုကြောင့် လမ်းသွားလမ်းလာများအတွက် အခက်ကြုံနေရကြောင်း သိရသည်။
အဆိုပါလမ်း၌ စည်းကမ်းမဲ့စွာ သုံးဘီးဆိုင်ကယ်များ ရပ်နားနေမှုကြောင့် လမ်းပိတ်ဆို့လျှက်ရှိနေကာ ခရီးသွားပြည်သူများအတွက် အချိန်များစွာ ကုန်ဆုံးနေကြောင်း သိရသည်။ အဆိုပါလမ်းဘေး၌ မြို့နယ်ဌာနဆိုင်ရာများက သုံးဘီးဆိုင်ကယ်များ ရပ်နားရန် ဂိတ်အဖြစ် သတ်မှတ်ထားကြသော်လည်း အဆိုပါ ဂိတ်နေရာ၌ ကျူးကျော်ဆိုင်များက အခို်အမာဆောက်ကာ ဈေးရောင်းချမှုများ ရှိနေသဖြင့် သုံးဘီးဆိုင်ကယ်များ ရပ်နားရန် နေရာမရဘဲ လမ်းပေါ်တွင် အဆင်ပြေသလို ရပ်နားရခြင်းဖြစ်ကြောင်း အမည်မဖော်လိုသည့် သုံးဘီးဆိုင်ကယ်မောင်းနှင်သူ တစ်ဦးက ဆိုသည်။
အဆိုပါ လမ်းပိတ်ဆို့မှု ပတ်သက်၍ လမ်းသွားလမ်းလာတစ်ဦးဖြစ်သည့် ငွေစန္ဒာကွင်းရပ်ကွက်နေသူတစ်ဦးက `` မနက်ပိုင်းဆိုရင်...ကုန်သွယ်လယ်ယာဆန်ဂိုဒေါင်ဘေးက တံတားကနေ ဓမ္မာရုံရှေ့ရောက်ဖို့ ၁၅ မိနစ်လောက်ကြာတယ်....တစ်ခါတစ်လေဆို နာရီဝက်လောက်ထိတောင် ကြာသေးတယ်....သုံးဘီးတွေက ဖြစ်သလို ရပ်ထားတော့ တခြားသုံးဘီးဆိုင်ကယ်တွေ ဝင်လာရင် လမ်းပိတ်ပီ... လမ်းဘေးက ဆင်းသွားလို့လည်း မရဘူး... အကုန်လုံး နွံတွေ ၊ ရွံ့ တွေနဲ့ ....ကတ္တာလမ်းပေါ်ကျ သူတို့တွေ ပိတ်ရပ်ထားတယ်...´´ ဟု နေ့စဉ်ကြုံတွေ့နေရသည့် လမ်းသွားလမ်းလာတို့၏ အခက်အခဲကို ပြောပြသည်။
အဆိုပါ လမ်းပိတ်ဆို့မှုသည် မနက်ပိုင်းတွင် ပိုမိုဖြစ်ပွားလေ့ ရှိပြီး ဆိပ်ကမ်းဖက်မှ ကုန်တင်ကုန်ချလုပ်နေကြသည့် ကား ၊ သုံးဘီး ၊ ထော်လာဂျီများနှင့် ခရီးသွားပြည်သူများအတွက် များစွာ အခက်ကြုံနေရကြောင်း သိရသည်။ သို့သော် အဆိုပါလမ်းပိတ်ဆို့မှုကို ဖြေရှင်းမှုကို ထွေအုပ် ၊ မြို့နယ်စည်ကော် ၊ ယာဉ်ထိန်းရဲများက ပူးပေါင်းကာ လုပ်ဆောင်နေကြသော်လည်း ကျုးကျော်ဆိုင်ခန်းများကြောင့် ဖြေရှင်းရခက်နေသည်ဟု မင်းပြားယာဉ်ထိန်းရဲတစ်ဦး၏ ပြောကြားချက်အရ သိရသည်။
မောင်ကာကြီး (လေးမြို့)