သိင်္ဂီထွန်း | ကြာသပတေးနေ့၊ ဇန်နဝါရီလ ၁၀ ရက် ၂၀၁၃ ခုနှစ် ၁၈ နာရီ ၃၇ မိနစ်
ရန်ကုန် (မဇ္ဈိမ)။ ။ အစိုးရဝန်ထမ်းများ၏ လစာနှင့် ထောက်ပံ့ကြေးများ လာမည့်ဘဏ္ဍာနှစ်တွင် တိုးမြှင့်ပေးနိုင်တော့မည့် အနေအထားရှိကြောင်း ပြည်ထောင်စု လွှတ်တော်သို့ ဇန်န၀ါရီလ ၁၀ ရက်နေ့က ပေးပို့သော သမ္မတ ဦးသိန်းစိန်၏ နှစ်သစ်ကူး သဝဏ်လွှာတွင် အရိပ်အမြွက် ထည့်သွင်း ပြောကြားသွားသည်။
ပြုပြင်ပြောင်းလဲမှု လုပ်ခဲ့သော လူမှုရေး ဆောင်ရွက်ချက်များအကြောင်း ပြောကြားရာတွင် သမ္မတ က ယခုလို ထည့်သွင်း ပြောကြားသွားခြင်း ဖြစ်သည်။
“လွှတ်တော်အတွင်း၌ ရသုံးမှန်းခြေ ငွေစာရင်း ဆွေးနွေးသည့် ကိစ္စရပ်များကိုလည်း ပြည်သူလူထုထံ ပွင့်လင်းမြင်သာမှုရှိရှိ အသိပေးနိုင်ခဲ့ပြီး လာမည့် ဘဏ္ဍာရေးနှစ်တွင် နိုင်ငံ့ဝန်ထမ်းများ၏ ထောက်ပံ့ကြေးများကို တဆင့်ပြီး တဆင့် တိုးမြှင့်ပေးနိုင်တော့မည် ဖြစ်သည်ကို လည်း တွေ့ရှိရမည် ဖြစ်ပါသည်” ဟု သမ္မတ၏ နှစ်သစ်ကူး သဝဏ်လွှာတွင် ရေးသားပါရှိသည်။
လာမည့် ဘဏ္ဍာနှစ်သည် ၂၀၁၃ ခုနှစ် ဧပြီလ ၁ ရက်နေ့တွင် စတင်မည် ဖြစ်သည်။
ထို့ပြင် လာမည့်ဘဏ္ဍာနှစ်အတွက် ရသုံးမှန်းခြေငွေစာရင်းကိုလည်း အစိုးရနှင့် လွှတ်တော်တို့အကြား ပွင့်ပွင့်လင်းလင်း ဆွေးနွေးနိုင်ခဲ့ပြီး “ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေ” ကို ပိုမိုစနစ်ကျစွာ ပြဋ္ဌာန်းနိုင်တော့မည်ဟုလည်း ပါရှိသည်။
အစိုးရ အဖွဲ့အစည်းများအတွင်း အဂတိလိုက်စားမှု ကင်းရှင်းရန်နှင့် လာဘ်ပေးလာဘ်ယူမှုများ ပပျောက်ရန်အတွက် ဒု-သမ္မတ ဒေါက်တာစိုင်းမောက်ခမ်း ဥက္ကဋ္ဌအဖြစ် ဦးဆောင်ပြီး အဖွဲ့ဝင် ၈ ဦး ပါသော "လာဘ်ပေးလာဘ်ယူမှု အရေးယူဆောင်ရွက်ရေးကော်မတီ"ကို လည်း ယခုလ ၈ ရက်တွင် သမ္မတ က ဖွဲ့စည်းခဲ့သေးသည်။
“ဒီကိစ္စလည်း စပ်ဆက်နိုင်တာပဲ။ စင်္ကာပူဆိုရင် သူ့ဝန်ထမ်းတွေကို အမြင့်ဆုံး ခံစားခွင့် ပေးထားတာ။ ဒါက လာဘ်ပေးဘာဘ်ယူ ပပျောက်ဖို့ အများကြီး အထောက်အကူပြုတာပေါ့” ဟု စီးပွားရေး တက္ကသိုလ် အငြိမ်းစား ပါမောက္ခချုပ် ဦးမော်သန်း က ပြောသည်။
၂၀၁၂-၂၀၁၃ ခုနှစ်မှစပြီး ဝန်ထမ်းလစာ တိုးမြှင့်ရေးနှင့် စပ်လျဉ်းသည့် အဆိုတခုကို ပြည်သူ့လွှတ်တော် ဥက္ကဋ္ဌ သူရဦးရွှေမန်းက ၂၀၁၂ ခုနှစ် ဖေဖော်ဝါရီလထဲတွင် တင်သွင်းခဲ့ပြီး ဘဏ္ဍာရေးနှင့်အခွန်ဝန်ကြီး ဦးလှထွန်း အပါအဝင် စက်မှုဖွံ့ဖြိုးတိုးတက်ရေးဝန်ကြီး၊ အမျိုးသား စီမံကိန်းဝန်ကြီးတို့မှ ဝန်ထမ်းများလစာ တိုးခြင်းကို ၂၀၁၃-၂၀၁၄ ခုနှစ်တွင်သာ ဆောင်ရွက်သင့်ကြောင်း ဝန်ကြီး ဦးလှထွန်း က ပြန်လည်ရှင်းလင်းခဲ့ဖူးသည်။
ဝန်ထမ်းလစာများကို ၂၀၁၀ ခုနှစ်၊ ဧပြီလတွင် ကျပ်ငွေ နှစ်သောင်းစီ တိုးမြှင့်ပေးခဲ့ဖူးပြီး အစိုးရသစ်လက်ထက် ၂၀၁၂ ခုနှစ်၊ စက်တင်ဘာလတွင် အခြေခံပညာ ဦးစီးဌာန အောက်ရှိ ပြည်နယ်နှင့်တိုင်း အဆင့်မှ မြို့နယ်အဆင့်ထိ ပညာရေးဝန်ထမ်းများအား မူလ လစာ၏ ၇ ရာခိုင်နှုန်းစီ တိုးမြှင့်ပေးခဲ့သည်။
နိုင်ငံ့ဝန်ထမ်းများ၏ ပင်စင်လစာကို ၂၀၁၁ ခုနှစ်၊ ဇွန်လ ၃၀ ရက်တွင် တိုးမြှင့်ကြောင်း ကြေညာခဲ့ဖူးသည်။
Author: မာရုသူရ
Related Posts
Some simillar article from this label, you might also like
ရှစ်လသား အရွယ် ကလေးငယ်တစ်ဦး မြန်မာနယ်စပ်အနီး ကျေးရွာ တစ်ခုမှ ပြန်ပေးဆွဲခံရ ရှစ်လသား အရွယ် ကလေးငယ် တစ်ဦးကို မြန်မာနဲ့ နယ်စပ်ချင်း ကပ်ရပ်တည်ရှိတဲ့ ဘင်္ဂလာဒေခ်ျ့ ကျေးရွ
ဂက်စ်ပိုက်ပေါက်၍ ဒိုင်နာလိုင်းကား မီးလောင်မှုဖြစ် ယာဉ်မောင်း မြင့်စိုး-လှိုင်သာယာမြို့နယ်နေသူ မောင်းနှင်သည့် ၂၂၆(အစိမ်း)လိုင်း၊ ဒိုင်နာယာဉ်သည် ၁၆
သတင်းစာ လွတ်လပ်ခွင့်အပေါ် နောက်ကြောင်း ပြန်လှည့်တာတွေရှိကြောင်း CPJ ဝေဖန် မြန်မာအာဏာပိုင်တွေအနေနဲ့ သတင်းစာ လွတ်လပ်ခွင့်နဲ့ ပတ်သက်လို့ လက်တွေ့အကောင်အထည်ဖော်ဖို့ ပျက်
မြန်မာ-ဘင်္ဂလားဒေ့ရှ် နယ်စပ်လုံခြုံရေး အတွက် တာဝန်ယူမည့် အဖွဲ့အစည်းသည် နိုင်ငံနှင့် လူမျိုးအပေါ် သစ္စာစောင့်သိရန် ဒေသခံများ မျှော်လင့် မြန်မာ-ဘင်္ဂလားဒေ့ရှ် နယ်စပ်လုံခြုံရေး အတွက် တာဝန်ယူမည့် အဖွဲ့အစည်းသည် လာဘ်ပေးလာဘ်ယူမှု ကင်း
ထိုင်း ဘုရင့်သမီးတော် မြန်မာနိုင်ငံ လာရောက် ထိုင်း ဘုရင့်နိုင်ငံ၏ ကိုးဆက်မြောက် ချက်ကရီ မင်းဆက်ဖြစ်သော Bhumibol Adulyadej ၏ ဒုတိယမြေ
ဘင်္ဂလားဒေ့ရှ် အစ္စလာမစ်ခေါင်းဆောင်ကို စီရင်ချက်ချ Tuesday, July 16, 2013 ဘင်္ဂလားဒေ့ရ်ှနိုင်ငံမှာ ပါကစ္စတန်နိုင်ငံဆီကနေ လွတ်လပ်ရေး တိုက်ပွဲဝင်
Previous Post
၂၀၁၃ ဇန်န၀ါရီ ၁၁ ရက် မိုးလေ၀သနှင့် ဇလဗေဒခန့်မှန်းချက်
၂၀၁၃ ဇန်န၀ါရီ ၁၁ ရက် မိုးလေ၀သနှင့် ဇလဗေဒခန့်မှန်းချက်
Next Post
အလင်းဝင် KIA စစ်သည်တစ်ဦး၏ ရင်ဖွင့်ချက်
အလင်းဝင် KIA စစ်သည်တစ်ဦး၏ ရင်ဖွင့်ချက်
- Blog Comments
- Facebook Comments
Subscribe to:
Post Comments (Atom)