ကျော်မင်း (စစ်တွေ)၊ ဇန်နဝါရီလ (၂) ရက်၊ ၂၀၁၃ ခုနှစ်။
------------------------------
ကျောက်ဖြူမြို့နယ်၊ ကျောက်တလုံးစခန်းမှ ဘင်္ဂလီ ၁၄၀၀ ခန့်ကို မြေပုံမြို့၊ ငသန့်သာကျွန်းကို ပြောင်းရွှေ့ရန် ဒေသ အာဏာပိုင်များမှ စီစဉ်နေကြကြောင်း သိရသည်။
“ကျောက်တလုံးစခန်းက ဘင်္ဂလီ ၁၄၀၀ လောက်ကို မြေပုံ၊ ငသန့်သာကျွန်းကို ပြောင်းရွှေ့ဖို့ ခရိုင်အုပ်ချူပ်ရေး ရဲမှူးက ဦးဆောင်ပြီး စီစဉ်နေပါတယ်။ သူတို့ ဘယ်လိုပဲ စီစဉ်စီစဉ် နောက်ဆုံးမှာ ဒီအဖြေပဲ ထွက်လာမယ်ဆိုတာ သိ့ပြီးသားပါ။ ဘင်္ဂလီတွေကို ရခိုင်ပြည်တစ်ခုထဲမှာပဲ ဟိုရွှေ့ဒီရွှေ့ လုပ်နေရုံနဲ့ ငြိမ်းချမ်းရေး ဆောင်ရွက်နိုင်မှာ မဟုတ်ပါဘူး” ဟု ရခိုင်လူမှုကွန်ရက် – ကျောက်ဖြူခရိုင် ကိုယ်စားပြု ဦးထွန်းလွင် က Arakan Review သို့ ပြောသည်။
နိုင်ငံတွင်း တရားမဝင် ဝင်ရောက်နေထိုင်သူ ဘင်္ဂလီများအား ပြန်လည်နေရာချထားပေးမည်ဆိုပါက ရခိုင်ပြည်တစ်ခုတည်း တွင် လှောင်ပိတ်ထားခြင်းမဟုတ်ဘဲ ဗမာပြည်၌ပါ နေရာချပေးသင့်ကြောင်း သူက ထပ်ပြောသည်။
“ဒီ ဘင်္ဂလီတွေကို တတိယနိုင်ငံက လက်ခံဖို့ဆိုတာကို ကျနော့်အနေနဲ့ မယုံကြည်ဘူးဗျာ။ ဒီတော့ အစိုးရအနေနဲ့ ဒီပြဿနာအတွက် ထွက်ပေါက်တစ်ခု ရှာကို ရှာရတော့မယ် အခြေအနေမှာ ရှိတယ်။ အဲဒီအခါမှာ သူတို့တွေကို ရခိုင်ပြည်မှာ ချည်းပဲ ပြန်လည် နေရာချထားပေးတာမျိုး မဟုတ်ဘဲ ဗမာပြည်ကိုလည်း ပို့စေချင်တဲ့ ဆန္ဒရှိတယ်” ဟု ပြောကြားခဲ့သည်။
နှစ်ပေါင်း (၆၀) ကျော် – အုပ်ချူပ်သူ စစ်အစိုးရ အဆက်ဆက် လက်ထက်တွင် ရခိုင်ပြည်သို့ တရားမဝင် ဝင်ရောက်နေထိုင် လာခဲ့ကြသည့် ဘင်္ဂလီလူမျိုးများသည် နည်းမျိုးစုံဖြင့် ဗမာပြည်သို့ သွားရောက်ရန် ကြိုးစားခဲ့သော်လည်း ရခိုင်ပြည် အရှေ့ဘက်နယ်စပ်မြို့ဖြစ်သည် တောင်ကုတ်ဒေသကိုပင် ကျော်ဖြတ်နိုင်ခဲ့ခြင်း မရှိခဲ့ခြင်း၊ အနောက်ဘက်နယ်စပ် မြို့တော် မောင်တော တံခါးကို ဖွင့်ထားခြင်း စသည့် ဖြစ်ရပ်များကြောင့် ဘင်္ဂလီများသည် ယခုကဲ့သို့ ရခိုင်ပြည်တွင် ပိတ်မိနေကြခြင်း ဖြစ်ကြောင်း သိရသည်။
SHARE THIS