(၁၇-၂-၂၀၁၅ ၊ လေးမြို့  သတင်းတို)
လက်ရှိမြန်မာနိုင်ငံတွင် ထိပ်တန်းရောက်နေ
သည့် အရေးကိစ္စများအနက် တစ်ခုအပါအဝင်
်ဖြစ်သည့် White Card ကိစ္စ တွင် ရခိုင်လူထုဘက်မှသာ ရပ်တည်သွားမည်ဟု ရခိုင်ပြည်နယ်ဝန်ကြီးချုပ်ဦးမောင်မောင်အုန်း
က ပြောကြားခဲ့ကြောင်း Mizzima မီဒီယာ၏ ဖော်ပြချက်အရ သိရသည်။
အစိုးရမှ White Card များအား ပြန်လည်အပ်နှံရ
မည်ဟု ထုတ်ပြန်ကြေညာခဲ့ပြီးဖြစ်သော်လည်း ပြီးခဲ့သော ဖေဖော်ဝါရီ ၁၅ ရက်နေ့ က ရခိုင်ပြည်နယ် တစ်ခုလုံး၌ White Card ကန့် ကွက်ဆန္ဒပြပွဲများ ပြုလုပ်ခဲ့ကြသည့်နောက်ပိုင်း ယခုကဲ့သို့  ပြောကြားလိုက်ခြင်းဖြစ်ကြောင်း သိရသည်။
ရခိုင်ပြည်နယ် ဝန်ကြီးချုပ် ဦးမောင်မောင်အုန်းက ''မြေပြင်မှာ ဖြစ်ပေါ်နေတဲ့ အခြေအနေက ပြည်သူ့ဆန္ဒ အမှန်ဖြစ်ပါတယ်။ ကိုယ့်အနေနဲ့ကတော့ ရခိုင်ပြည်သူတွေရဲ့ဆန္ဒကို အသိအမှတ်ပြု ရပ်တည်ပြီးမှ ပြန်လည် ညှိနှိုင်းဆောင်ရွက်ရမှာ ဖြစ်ပါတယ်'' ဟု Mizzima တွင် ဖော်ပြထားသည်။
ဖေဖော်ဝါရီ ၁၅ ရက်နေ့ က White Card ကန့်ကွက်ဆန္ဒထုတ်ဖော်ပွဲတွင် ပါဝင်ခဲ့သူ ဦးကျော်ဇောက ''ဒီကတ်တွေအစား တစ်ခုခုထုတ်ပေးမယ်ဆိုတဲ့ သဘောဖြစ်နေတယ်၊ အဲဒီလို ထုတ်ပေးတဲ့အခါ ယာယီကတ်ထက်ပိုပြီး ခိုင်လုံတဲ့ကတ်မျိုး၊ မဲပေးလို့ရတဲ့ ကတ်မျိုး ဖြစ်နေရင်ကောဗျာ၊ ကျွန်တော်တို့အနေနဲ့ အစိုးရရဲ့ လှည့်ကွက်တွေကို ယုံကြည်လို့ မရပါဘူး'' ဟု ပြောကြားခဲ့ကြောင်း သိရသည်။
လွန်ခဲ့သော ရက်အနည်းငယ်ခန့်ကလည်း
ရခိုင်ပြည်နယ်အတွင်း ပြန်လည်သိမ်းဆည်းနေ သည့် White Card ကိစ္စတွင် နိုင်ငံတကာမှ NGO များအနေဖြင့် ဝင်ရောက်စွက်ဖက်ခြင်း မပြုလုပ်ကြရန် ဝန်ကြီးချုပ် ဦးမောင်မောင်အုန်း က သတိပေးခဲ့ပြီးဖြစ်သည်။
ရေးသားသူ - မင်းမြတ်ခိုင်
တင်ဆက်သူ - လေးမြို့ သတင်းမီဒီယာ
Author: မာရုသူရ
Related Posts
Some simillar article from this label, you might also like
- Blog Comments
- Facebook Comments
Subscribe to:
Post Comments (Atom)